Çiy ya qaynadılmış su... Hansını içmək faydalıdır?

Su insan orqanizminin yarısından çoxunu əhatə edir. Gün ərzində ən azı 2 litr maye qəbulu tövsiyə edilir. Cunki vücudda su azalarsa bir çox problemlər, xəstəliklər yarana bilər. Ancaq bir çox insan çiy suya güvənməyib suyu qaynadaraq içirlər, övladlarına bu formada verənlər də az deyil.

Bəs hansını içməliyik?

Çiy ya qaynadılmış?
Doktorinfo.az xəbər verir ki, bu mövzuda mütəxəssislər heyecan təbili çalırlar. Belə ki, dezinfeksiya etmək üçün əl atılan bu üsul əslində sağlamlığa olduqca zərərlidir. Faydası isə yoxdur.

Aparılan araşdırmalara görə, suyu bir dəfə qaynatmaq məqbul hesab edilir. Tərkibinin təmizlənməsi baxımından mümkün ola bilər. Ancaq daha sonra dəfələrlə isitmək və ya qaynatmaq təhlükəli amilə çevirə bilər. Belə ki, bu növ su orqanizmdə xərçəng təhlükəsini artırır. Təkrar qaynama suda ilkin olaraq patogenləri öldürmək üçün əlavə edilən arsenik də yaradır. İkinci dərəcəli istilik bu maddənin konsentrasiyasını artırır, bu da zəhərlənməyə səbəb ola bilər.

Qaynayan zaman suda mövcud olan flüor təkrar qaynadıqdan sonra ftoridlərə çevrilir və bu da qadınlarda sonsuzluq riskini artırır və uşaqların zehni inkişafına təsir göstərir.

Stomatoloqlar da uşaqlara çiy suyun vermesinin daha faydalı olduğunu qeyd edirlər. Buna səbəb isə qaynayan zaman suyun faydalı tərkibinin də məhv olmasıdır. Bu səbəbdən uşaq təbii yod qəbul edə bilmir. Bu isə gələcəkdə diş çəkilmələrinə, çürüklərinə, damaq problemlərinə yol açacaqdır.