Dil yarasının səbəbləri və müalicəsi

Ağız yaraları cəmiyyətdə tez-tez görülən sağlamlıq problemləri arasında yer alır. Müxtəlif xəstəliklərin əlaməti olaraq ortaya çıxan dil yaraları, xüsusilə ağız və diş gigiyenasına düzgün qulluq edilməyən zaman da yarana bilir. Dil yarası ağrılı olduğu zaman insanın gündəlik həyatında da narahatçılıq yaradaraq maneə olur.

Dildəki səpkilər əksər zaman xoşxassəlidir və sürətlə yaxşılaşır. Bəsit yaraların müalicəsində təbii üsullardan və qarqaralardan faydalanmaq mümkündür. Ancaq yaxşılaşmayan və uzunmüddət davam edən dil yaraları üçün mütəxəssis baxışı zəruridir.

Dil yarası nədir?

Ağızdakı quruluşların çoxu mukoza adlandırılan xüsusi toxuma ilə bağlıdır. Mukoza toxumasının bütövlüyünün pozulmasına səbəb olan hansısa narahatçılıq nəticəsində ağızda yaralar yarana bilər. Dil yarası, mukoza toxumasının zədələnməsinə səbəb olan xəstəliklər nəticəsində də meydana çıxa bilər. Bununla yanaşı dilin anatomik quruluşunda meydana gələn hansısa bir pozuntunun da dil yaralarının inkişafında rolu vardır. Dildəki dad hüceyrələrinin iltihablanması və dil ətrafındakı tüpürcək vəzlərinin xəstəlikləri misal olaraq çəkilə bilər.

Dil yarasının əlamətləri nələrdir?
Dilin üst, alt və ya uc hissələrində yaralar

Dildə həssaslıq

Dildə acı hissi

Dildə yanma hissi

Dil üzərində ağ yaralar

Asidik məhsullar və ya isti qidalar ilə təmas (yeyərkən dilin yanması)

Səbəbləri nələrdir?
Müxtəlif səbəblərdən qaynaqlana bilər. Xüsusilə ağızda acı hissini yaradan yaralara, travmalar, vitamin və mineral əksikliyi, bakteriya, siqaret, infeksiya, ədviyyatlı və duzlu qidalar səbəb olur. Bununla yanaşı genetik faktorlar, mədə-bağırsaq xəstəlikləri, yoluxucu xəstəliklər də dil yarasına yol açan faktorlar arasındadır. Adətən dilin təbəqəsində bəyaz olaraq görülən yaraların digər səbəbləri də var:

Stress

Dil dişləmək

Qida allergiyası

Diabet və qansızlıq

Ağız gigiyenasına düzgün qulluğun edilməməsi

Həddindən çox isti içkilər səbəbindən dilin yaralanması

Dil yarası necə müalicə edilir?
Altda yatan əsas səbəb tapıldıqdan sonra müalicə edilir. Tətbiq olunacaq müalicə üsulları bunlar ola bilər:

Yüngül yaralar zamanı xəstənin simptomlarını sağaltmaq üçün bəzən qidalanma dəyişiklikləri edilməlidir. Bir neçə həftə ərzində keçə biləcək səpkilər üçün xüsusi müalicəyə ehtiyac yoxdur.

Xüsusilə dişlərin gündə 2 dəfə fırçalanması və bunun vərdiş halına gətirilməsi vacibdir.

Ağız gigiyenası üçün diş saplarından istifadə edilməli, duzlu su ilə qarqara edilə bilər.

Sağlam, düzgün qidalanmaqla yanaşı əksik olan vitamin və mineralların əlavə olaraq qəbul edilməsi kifayətdir.

Protez diş müalicəsindən sonra ağız quruluşuna uyğun olmayan protez ağızda yaralara səbəb olarsa stomatoloqa müraciət edilməlidir.

Şiddətli ağrı vəziyyətlərində dərman müalicəsi tətbiq edilə bilər.