Uşaqlarda boğaz ağrısı və qızdırma

Havaların soyuq keçdiyi ərəfələrdə bir çox uşaqlar çətin günlər yaşayırlar.

Doktorinfo.az məlumat verir ki, bir çox valideyn xüsusilə qış aylarında "Boğazım ağrıyır" sözünü tez-tez eşidir.

Bes usaqlarda bogaz infeksiyasi neden olur?

Boğaz iltihabı ya da infeksiyası olaraq adlandırılan problem, üst tənəffüs yollarında görülür və virus mənşəli olaraq yayılır. Bəzi uşaqlarda isə soyuqdəymə zamanı meydana çıxır.

Əgər uşaq bağçaya, məktəbə gedirsə bu vəziyyətlə tez-tez qarşılaşmağı mümkündür. Adətən qış aylarında bu növ viruslar çoxalır. Uşaq kifayət qədər qidalanmırsa, immunitet sistemi güclü deyilsə, bu virusların vücudda yerləşməsi daha da asanlaşır.

Otaqların qapalı olması, havalandırmanın zəif olması xəstəliyin yayılma sürətini artırır. Uşaqlarda boğaz iltihabı 7 gün ərzində ortadan qalxa bilir.

Usaqlarda bogaz iltihabinin elametleri nelerdir?

Əgər bu əlamətləri müşahidə edirsinizsə, boğaz iltihabından şübhələnmək mümkündür:

Udqunmada çətinlik

Bogaz agrisi

Boğazda yanma

Ağrı

Yüksək qızdırma

Öskürək və ya asqırma

Boğazda qızarıqlıq, ağ yaralar

Sümük ağrıları

Halsızlıq

İştahsızlıq

Burun axıntısı

Bəzən qulaq ağrısı
Uşaqlarda boğaz infeksiyasının növləri hansılardır?

Faringit – Mukozanın iltihablanması

Laringit – Qırtlaq iltihablanması

Tonsilit – Badamcıqların iltihabı

Həmçinin qrip və soyuqdəymə zamanı uşaqlarda boğaz ağrısı meydana çıxa bilər.

Usaqlarda bogaz infeksiyasinin mualicesi nece olur?

Mütəxəssislər adətən virus və ya bakteriya mənşəli boğaz infeksiyalarında antibiotik müalicəsini tövsiyə etmirlər. Çünki immunitet sistemi bu növ iltihablarla mübarizə aparacaq dərəcədə güclüdür. Boğaz ağrısı üçün ağrıkəsicilər, spreylər təyin edilə bilər.

Qeyd edək ki, əgər uşaqda yüksək qızdırma varsa və bu boğaz infeksiyasından qaynaqlanırsa, boğazdakı iltihab keçmədikcə hərarət dərmanla düşsə də yenidən daha çox yüksələcək. Bu səbəbdən boğaz iltihabı zamanı hərarətdən öncə şişkinliyi azaltmaq ilk məqsəd olmalıdır.

Belə anlarda uşaqların çoxlu maye qəbulu vacibdir. Çünki maye bədəndəki virusların xaricə atılmasına dəstək olur.

Ev şəraitində hansı tədbirlər görülə bilər?

Evi havalandırmaq lazımdır.

Siqaretdən istifadə edənlər varsa bundan imtina etməlidirlər. Çünki duman boğaz infeksiyasını artıra bilər.

Burun spreylərindən istifadə edilməlidir.

Bitki çaylarından istifadə edilə bilər. Bu zaman nanə, limon, çobanyastığı çayı, ballı süd faydalı ola bilər.

Uşaqlarda boğaz çirk edibsə bunun üçün 3 faizli pereksdən istifadə edə bilərsiniz.

Bunun üçün gərəklidir:

2 xörək qaşığı 3 faizli pereoksit

1 stəkan su

İlıq suya qeyd edilən miqdarda pereks əlavə edilir və qarışdırılır. Daha sonra qarqara edilir. Üzərindən 20 dəqiqə sonra isə hansısa boğaz spreyi püskürdülür. Belə ki, pereks boğaz çirkini dağıdacaq, sprey isə qurudacaqdır. Gün ərzində 3-4 dəfə təkrarlaya bilərsiniz.

Vurğulayaq ki, səhvə bu qarışım uşağın boğazına getsə narahat olmağa dəyməz. Ancaq körpə uşaqlar üçün mütləq həkimlə məsləhətləşmək vacibdir.

Məcbur yedizdirməkdən qaçınılmalıdır. Ağır, yağlı yeməklər bu növ xəstəliklər zamanı tövsiyə edilmir. Əvəzinə yüngül qidalar, sulu yeməklərin yeyilməsi tövsiyə edilir.
Əgər xəstəlik davam edərsə həkimə müraciət etmək vacibdir. Çünki boğaz iltihabı keçmədiyi zaman yüksək qızdırma kimi digər problem yaradan narahatçılıqlar da aradan qalxmayacaq.