Askarid qurdu əlamətləri

Askarid, silindr formasında, ucları incə, qəhvəyi, sarımtıl rəngli bağırsaq qurduna verilən addır. 25-35 sm uzunluqda olurlar.

Doktorinfo.az xəbər verir, dünyada 1,5 milyarddan çox insanın yoluxduğu təxmin edilir.
Hər dişi soxulcan gündə 200.000-ə qədər yumurta çıxara bilər. İnsan nəcisindən çıxan yumurtalar torpaqda uzun müddət canlı yaşaya bilir.

Dözümlü və çətin bitən qurd növündəndir.

Askarid qurdu nece yoluxur?

İnsanlar, ağız yolu ilə yeyilən qidadan və ya torpaqda böyüyən Ascaris yumurtaları ilə təmas edərkən yoluxa bilər. İncə bağırsaqda yumurtadan çıxaraq bağırsaq divarından keçir və qaraciyər, ürək, ağciyərə qədər çata bilir.
Askarid qurdunun elametleri nelerdir?

Bu, təsir göstərdiyi orqandan asılı olaraq dəyişir. İnfeksiya ilkin vaxtlarda xüsusi simptom biruzə verməz.

Əgər qurdlar ağciyərdədirlərsə bu əlamətlər baş verər:

Öskürək

Xırıltılı tənəffüs

Nəfəs darlığı

Qanlı bəlğəm

Qızdırma

Əgər qurdlar bağırsaqdadırlarsa bu hallar yarana bilər:

Mədə bulantısı

İshal

Şiddətli qusma

İştah azalması

Çəki itkisi

Qarın ağrısı

İnkişaf geriliyi və s.
Bu qurd, uşaqlarda davranış pozğunluğuna belə səbəb ola bilir.

Aşağıdakı davranışlar varsa, bu, qurdun əlaməti kimi də müşahidə edilə bilər:

Əsəbilik

Dağınıqlıq

Diqqəti bir araya toplaya bilməmək

Həyəcan

Yuxu pozuntusu

Yuxuda qorxma

Tez əsəbləşmək və s.

Belə uşaqların immunitet sistemləri güclü olmur. Ya tamamilə iştahdan kəsilirlər və ya yesələr belə çəkilərində bir artım olmur. Xəstəliklərə qarşı da orqanizm güclü müqavimət göstərə bilmir. Tez-tez xəstələnmək halları baş verə bilər.

Diaqnoz necə qoyulur?

Ən uyğun, dəqiq diaqnoz nəcizdən verilən analiz nəticəsində əldə edilə bilər. Nəcis laboratoriyada araşdırılır, qurdun olub-olmaması və növü təyin edilir.
Askarid qurdunun müalicəsi:

Xəstəliyin erkən mərhələsi adətən yüngül keçir, hətta bəzən müalicəyə belə ehtiyac qalmır.
Sadəcə simptomlara səbəb olan infeksiyaların müalicəsi əsas şərtdir. Müalicədə qurd tökən dərmanlardan, şamlardan, qaraciyəri qorumaq üçün təyin edilmiş siroplardan istifadə edilir.
Dərmanların, yüngül qarın ağrısı və ya ishal kimi əks təsirləri ola bilər.

Qeyd edək ki, adətən müalicə edilməyən bu qurd getdikcə vücudda artır və orqanlar üçün ciddi təhlükə yarada bilər. Bu səbəbdən erkən diaqnoz və müalicə mühüm əhəmiyyət kəsib edir.