Uşaqlarda öskürək zamanı nə etməli?

Uşaqlarda öskürək ancaq qışda deyil, yaz-yay aylarında da tez-tez rast gəlinir. Əksər zaman üst tənəffüs yolları infeksiyasından qaynaqlansa da altında bir çox səbəb də yata bilər.

Uşaqlar nə üçün öskürür?

Öskürək adətən tənəffüs yollarındakı zədələnmələrdən qaynaqlanır.

Öskürəyin səbəbi aşağıdakılar ola bilər:

Soyuqdəymə, üst tənəffüs yolu xəstəlikləri

Astma

Qrip

Sətəlcəm

Allergiya

Uşaqlarda gecə quru öskürək nədən olur?

Xüsusilə gecələr bəzi öskürəklər arta bilir. Allergiya və sinuzittə mukus boğazdan geriyə doğru axaraq, gecələri quru və dayanması çətin öskürəyə səbəb olur. Əgər uşağınız sadəcə gecələri öskürürsə astma və ya reflüks ola bilər.

Uşaqlarda bəlğəmli öskürək nədən olur?

Qrip, faringit kimi üst tənəffüs yolları infeksiyası bəlğəmli öskürəyə səbəb ola bilir. Uşaqlarda qızdırma və öskürək, tənəffüs yolları infeksiyasının əlamətidir. Allergik olan uşaqlarda bəlğəmli öskürək xüsusilə qış aylarında görülür. Burun tıxanıqlığı da bəlğəmli öskürəyə yol aça bilər. Müalicə edilmədiyi təqdirdə uşaqlarda sətəlcəm kimi ciddi xəstəliklərə yol aça bilir.
Öskürək, uşağınızın gündəlik həyatına mənfi təsir edə bilər. Əgər keçmirsə başqa xəstəliklərin əlamətləri ola bilər.

Uşaqlarda keçməyən öskürək varsa səbəbi bunlar ola bilər:

Astma

Reflüks

Doğuşdan gələn problem

Xronik sinüzit və s.

Daha böyük uşaqlarda keçməyən öskürəklər psixoloji ünsürlərdən də asılı ola bilər.

Uşaqlarda quru öskürəyə nə yaxşı təsir edir?

Öskürəyin səbəbi nə olsa da su, uşaqlarda bəlğəm atıcı olaraq ən təsirli üsuldur. Bu səbəbdən uşaq bol-bol maye qəbul etməsi daha tez sağalmasına dəstək olacaqdır.
Uşaqlarda gecə öskürəyi zamanı yatağın baş tərəfini yüksəltmək faydalı ola bilər. Bundan əlavə həkim təyinatı üzrə öskürək siropları verə bilərsiniz. İnhalyasiya da düzgün seçim ola bilər. Ancaq bunun üçün həkim göstərişi olmalıdır.

Uşaqlarda bəlğəmli öskürəyə nə yaxşı təsir göstərir?

Öskürən zaman uşağı üz üstdə saxlayıb belinə ehmalca vurmaq bəlğəmi çıxartmaqda təsirli ola bilər.
Gülxətmi dəmləməsi öskürək zamanı çox faydalıdır. Çaydan gün ərzində bir neçə dəfə içmək ağrı və öskürəkdən xilas olmağına dəstək olacaqdır. Əgər uşaq körpədirsə gün ərzində 3-4 çay qaşığı qədər qəbul etmək kifayət edəcəkdir.

1 şirniyyat qaşığı kərə yağını ərimə mərhələsinə gəldiyi zaman qazın altını keçirib üzərinə 1 şirniyyat qaşığı bəhməz əlavə edin. İlıq olduqdan sonra qəbul edilməlidir. Gecələr yatmazdan öncə və səhər yeməyindən sonra vermək effektli nəticə ola bilər.

1 stəkan isti südə 1 şirniyyat qaşığı sarıkök əlavə edin. Səhərləri və gecə yatmazdan öncə sarıköklü süd bəlğəmli öskürəyə yaxşı təsir edər.
Uşaqlarda öskürək hansı vəziyyətlərdə risklidir?

Uşağınız nəfəs almaqda çətinlik çəkirsə

Daimi, ağrılı, boğucu öskürək varsa

Qusma, göyərmə baş verərsə

Yuxusu, qidalanması pozularsa

Anidən istilik yüksələrsə

Sarı-yaşıl bəlğəm çıxararsa gözləmədən həkimə müraciət edin.