Böyrək xərçənginin simptomları və mərhələləri

Böyrəyin əsas vəzifəsi, qanı süzdükdən sonra artıq maddələrdən sidik yaratmaq və qandakı kimi mineralların tarazlığını təmin edir. Böyrək xərçəngi, normal funksiyasını yerinə gətirən hüceyrələrin formasını itirərək anormal dərəcədə böyüməsi və nəzarətsiz çoxalmasıdır.
Siqaretdən istifadə, piylənmə böyrək xərçəngi riskini artırır. Bununla yanaşı birinci dərəcə qohumlarda böyrək xərçəngi olanlar və təzyiq xəstələrinin də böyrək xərçəngi cəhətdən riskli qrupda olduğu düşünülür.

Erkən mərhələdə xərçəng heç bir əlamət vermədən irəliləyə bilər. Bu səbəblə ediləcək müntəzəm müayinələr son dərəcə vacibdir. Bunun sayəsində erkən dövrdə aşkar edilən böyrək xərçənginin müalicəsində çox yüksək nailiyyət əldə edilə bilər.

Böyrək xərçənginin səbəbləri nələrdir?
Son illərdə xərçəng xəstələrinin təxminən 4%-ində böyrək şişləri meydana gəlib. Bu xəstəlik üçün risk faktorlarının başında siqaretdən istifadə, piylənmə, yüksək təzyiq, ailədə genetik xəstəliyin olması, ətraf faktorlar gəlir.

Böyrək xərçənginin əlamətləri nələrdir?

Sidikdə qan görülməsi

İştahsızlıq, çəki itkisi

Halsızlıq, tez yorulma

Bir səbəbi olmadan yaranan bel ağrısı, yan ağrısı

Yanlarda və ya qarında yaranan şişkinlik

Şiddətli qarın ağrısı

Keçməyən yüksək qızdırma

Digər orqanlara verilən metastaz nəticəsində nəfəs almaqda çətinlik, bəlğəm, ağrılar müşahidə edilə bilər.

İlkin ərəfədə görülməsə də USM, tomoqrafiya nəticəsində aşkara çıxa bilər.

Böyrək xərçənginin mərhələləri

Böyrək xərçəngi xəstəliyinin müalicəsində hansı mərhələdə olmaq vaciblik daşıyır.
Mərhələləri hansıdır?

Mərhələ 1 – Böyrək xərçənginin ilk zamanında şiş toxuması böyrəklə sərhədlidir. Ölçüsü 7 sm-dən daha çox olmur.

Mərhələ 2 – İkinci ərəfədə şiş yaxın orqanlara ya da limfa düyünlərinə yayılmır. Ancaq toxumaların ölçüsü 7 sm-dən daha böyük olur.

Mərhələ 3 – Digər daxili orqanlara yayılmasa da, böyrək ətrafıda artım müşahidə edilir.

Mərhələ 4 – Bu mərhələdə artıq xərçəg xəstəliyi digər ətraf orqanlara yayılmış olur...
Müalicə üsulları:

Müalicə individualdır. Xəstəliyin mərhələsinə, tibbi xüsusiyyətlərə görə dəyişir. Mümkün qədər orqanı saxlamaqla şişi götürmək əsas məqsəd daşıyır.
Cərrahi əməliyyat üçün uyğun olmayan xəstələrdə radiofrekans, ablasyon, kimyaterapiya kimi üsullardan istifadə edilir. Xəstəliyin yayılmış olduğu xəstələrdə xərçəngli toxumaları hədəf alaraq dərmanlar və kimyaterapiyalar istifadə edilir. Daha irəli xəstəliklərdə irəliləməyin qarşısını almaq üçün radioterapiya tətbiq oluna bilər.