Daban ağrısının təbii müalicəsi

Daban ağrısı, yeriyişə, duruşa, vücudun hərəkətlərinə təsir göstərən problemdir. Ayaq əzələlərində, oynaqlarda və sümüklərdə meydana çıxan problemlər səbəbilə ayaq dabanında ağrı yarana bilər.

Doktorinfo.az məlumat verir ki, ayaq dabanında meydana çıxan xəstəliklər ayaq qulluğunun kifayətsizliyindən ya da yanlış ayaqqabı dabanlığı seçimindən qaynaqlana bilər. Doğru ayaqqabı seçimi bir çox daban xəstəliyinin qarşısını alır.

Ayaq dabanı ne ucunn agriyir?
Daban ağrısı, ayağın yerə düzgün qoyulmamasından qaynaqlanır. İçə və ya xaricə basma, düz daban, daban çöküklüyü kimi problemlər başlıca xəstəliklərdəndir. Ayaq dabanı, yerə basarkən tək bir hissəyə təzyiq edilirsə ağrılar başlayır.
Daban agrilarinin sebebleri nelerdir?

Mazol

Dabanda artrit

İnfeksiya

Qançırlar

Sinirlərin sıxılması

Sümüklərin gücə düşməsi (Bu adətən ağır məşqlərdə, qaçış zamanı baş verir.)

Ayaq altının düz olması

Halluks Valgus

Yanlış ayaqqabı seçimi

Revmatizm

Artıq çəki

Daban ağrisinin tebii mualicesi nece aparilir?

Daban ağrısı fərqli səbəblərdən qaynaqlana bilər. Ayağın yerə düzgün basması üçün ortopedik ayaqqabı seçilməlidir. Ağrının qarşısını almaq üçün vücud ağırlığı tənzimlənməlidir və müalicə edilməlidir.

Müalicənin müddəti həkim tərəfindən təyin edilir.
Ayaq dabanında meydana gələn ağrıların ümumi səbəbi mexanik pozulmalar olduğu üçün ayaq sümüklərini bir-birinə bağlayan bağlarda genişlənmə və çətinliklər yaranır.
Daban ağrıları zamanı effekt verəcək başqa üsul fizioterapiyadır. Ayağın yerə basma çətinliyini bu üsulla müalicə etmək mümkündür.

Ayaq idman hərəkətləri əzələlərin güclənməsini təmin edir.

Ayaq dabanında ağrı və yanma üçün həkimin tövsiyə edəcəyi kremlərdən istifadə edə bilərsiniz.

Daban ağrılarının böyük travmaları zamanı vazelin və qırmızı bibər qarışdırılır. Gün ərzində iki dəfə massaj vasitəsilə dabanlara çəkilir.

Bundan əlavə arnika məlhəmi ilə zeytun yağı da faydalıdır. Hər ikisi qarışdırılır. Gün ərzində iki dəfə massaj vasitəsilə dabanlara çəkilir.

Sarımsaq da faydalı qaynaqlardan hesab edilir. Belə ki, əzilib püre halına gətirilir. Massajla ağrı olan nahiyəyə çəkilir və 4 saat gözlədilir. Daha sonra yuyulur. Hər gün tətbiq edilməlidir.

Bəzən bu ağrılar şiddətli hal alır. Bu zaman mixək yağı ilə zeytun yağı qarışdırılmalıdır. Massaj edilir. Bununla da ağrılar azalacaqdır.

30 ml əridilmiş balın içərisinə 20 qr duz və 10 ml yod tökülməlidir. Dabana bu qarışım çəkilir, streclə üzəri örtülür. Gecədən səhərə qədər saxlanılmalıdır.

1 qram aspirin tozu 250 ml arağın içinə tökülməlidir. Ağzı bağlı qabda saxlanılır. 3 gün isti otaqda saxlamaq lazımdır. Gecələri massaj edilir. Səhər isə təmizlənir.

Bəs daban ağrısı risklərini hansı amillər artırır?

Gərgin iş rejimi, günün çox saatlarını ayaq üstdə qalmaq

Ayaq altının düz və ya tağlı olması

Ayaq biləyinə gücün salınması və s.

Ayaq dabanını ağrıdan səbəblərdən biri də mazollardır.

Daban mazolu nədir?

Ayaqlarda yaranan mazol ağrılı dəri problemlərindən biridir. Dərinin özünü xaricdən gələn təsirlərə qarşı qorumağa çalışması zamanı yaranır. Ayağın sümük qismlərinin sərt cismə basdığı yerlərdə müşahidə edilir.

Ayaq dabanında mazol nədən baş verir?

Ayaq tərləməsi

Keyfiyyətsiz ayaqqabılar

Uzunmüddət ayaqda durma

Yanlış yerimək

Corabsız çox gəzmək

Yüksək dabanlı ayaqqabılar

Dar ayaqqabı geyinmək
Müalicəsində hansı üsullardan istifadə edilir?

Sirkə

Limon

Mazol üçün olan kremlər

Mazolu çıxaran dermanlar

Sirkə ilə mazolu çıxartmaq üsulu:
Sirkə, yüksək asit miqdarına sahib olduğundan ölü hüceyrəni qaldırıb yeni hüceyrənin yaranmasını təmin edir. Sirkəni dərhal dəri ilə təmas etdirmək doğru hesab edilmir. Su ilə sirkəni qarışdırın. Yatmazdan öncə həmin hissəyə sirkəli suyu tətbiq edin. Bağlayıb ertəsi günə qədər gözlədin.

Limon üsulu:

Limon alma sirkəsi kimi yüksək asit tərkiblidir. Limondan bir hissə kəsib mazollu nahiyəyə çəkin. Daha sonra bağlayın. Ertəsi gün limon çıxardılır. Mazol yox olana qədər bunu tətbiq edin.

Bunlar effekt verməsə əməliyyat üsuluna müraciət edə bilərsiniz. Əməliyyatla anezteziya tətbiq olunaraq həmin hissə köküylə birlikdə çıxarılır. Ardından tikiş atılaraq bağlanılır. Pasiyent qısa müddətdə sağalır.
Kime muraciet etmek lazimdir?

Daban ağrısı üçün ortoped-travmatoloqa müraciət etməlisiniz. İlk müalicə növləri adətən dərmanlar, kremlər olur. Əgər ağrı qaynağı böyükdürsə əməliyyat da təklif edilə bilər. Ağrının müalicəsi yaranma nahiyəsinə görə dəyişir. Əgər daban ağrısı alt hissədədirsə bu, toxumaların iltihabının əlaməti ola bilər. Bu səbəbdən ağrının yaranma hissəsi, müddəti, şiddəti hər biri həll üçün vacibdir.