Daha şəfalı ancaq bahalı qida... "Pekan qozu"nun adi qozdan fərqi nədir?

Təbiətin möcüzələrini saymaqla bitməz. Onlardan biri şəfalı xüsusiyyətlərə sahib olan ağacda yetişən pekan(Yapon) qozudur.
Dünyada "Pekan" olaraq bilinən bu bitki növünün veteni Amerikadır. Sərt qabıqlı meyvə olan pekan qozu güclü antioksidantdır, protein, yağ qaynağıdır. Son illərdə istehsalı və istehlakı xeyli yayılan pekan qozunun faydaları saymaqla bitməz.

Bəs faydaları nələrdir?

Sahib olduğu yüksək antioksidant ilə immunitet sisteminin güclenmesinde rol oynayır

Qan dəyərinin tarazlanmasına kömək olur

Xolesterini aşağı salır

Ürək-damar sağlamlığını dəstəkləyir

Prostat narahatçılığının müalicəsində effektlidir, prostat xərçənginə qarşı qoruyucu xüsusiyyətə sahibdir

Diabet riskini azaldir

Beyin inkişafını dəstəkləyərək beyin hüceyrələrinin qorunmasına kömək edir

Yaddaşı gücləndirir

İnfarkta qarşı qoruyur

İştahı artırır və arıqlamağa kömək edir

Pekan qozu ilə arıqlamaq mümkündür?

Doktorinfo.az məlumat verir ki, uzunmüddət toxluq hissi verir, arıqlamağa kömək edir. Piylənmə və artıq çəkili şəxslər üzərində edilən araşdırmalar, düzgün arıqlamaq müddətinə bu qidanın dəstək ola biləcəyini göstərib.
Pekan qozu necə istifadə edilir?

Əsas qida dəyərlərinə sahibdir. Ferqli yeməklərdə də istifadə edilə bilər. Məsələn, qatiq, yulaf əzməsinə qarışdırıla bilər, salatların üzərinə səpilir. Həmçinin keks, krep, peçenye kimi şirniyyatlarda da istifadə edilir.

Pekan qozu allergik reaksiyalara yol aça bilər?

Allergik reaksiyaları normal qozda olduğu kimidir. Qızarıqlıq, səpgilər, mədə bulantısı, qusma, qaşıntı kimi reaksiyalar ortaya çıxa bilər.

Normal qozla pekan qozunun fərqi nədir?
Bəzi fərqlər mövcuddur. Pekan qozunun xarici qabığı normal qoza görə daha düzgün quruluşa sahibdir və daha incədir. Hətta qabığını, qoz qıracağına ehtiyac duymadan əllə rahatlıqla qıra bilərsiniz.

Dad baxımından da iki qoz arasında fərq vardır. Pekan qozu nisbeten daha şirin bitki növüdür. Zəngin qida tərkibi ilə də qozdan seçilir.

Ləzzəti və faydaları ilə dünyanın bir çox ölkəsində yetişdirilir. Avstraliya, Yaponiya, Meksika, Afrika, İsrail və digər ölkələrdə yetişdirilir. Son zamanlar Azərbaycanın rayonlarında da yetişdirilir.

Bu qozdan istifadə etmək adətən hansısa risk yaratmaz. Buna baxmayaraq yeyərkən diqqət edilməli olan məqamlar mövcuddur:

Badam, fısdıq, qoz kimi qidalara allergiyası olanların bu qoz növündən istifadələri tövsiyə edilmir.

Tərkibində oksalat adlı maddə olduğundan böyrək daşı riski olan şəxslərin pikan qozundan diqqətlə istifadə etməkləri tövsiyə edilir.

Ciddi sağlamlıq problemi olanlar bu növ qozdan istifadədən öncə həkimləri ilə məsləhətləşməkləri tövsiyə edilir.