Ağızdan pis qoxunun gəlməsi

Bir çox insan səhərlər ağzından gələn pis qoxulardan narazıdır. Ağızdan gələn qoxunun bir çox səbəbi ola bilər.

Doktorinfo.az xəbər verir ki, səhərlər ağızdan pis qoxu ilə yanaşı acılıq da hiss etmək mümkündür.

Bunun əsas səbəblərdən biri öd reflüdür. Belə ki, öd yollarının funksiyası, fəaliyyəti pozulursa, öd mədəyə, daha sonra qida borusuna atılaraq acılıq hissi yarana bilər.

Həmçinin acı dad qaraciyər və öd kisəsi problemlərindən də qaynaqlana bilər. Mədə-bağırsaq traktının xəstəlikləri, məsələn, qastrit və xoralar, həmçinin diabetes mellitus və digər endokrin xəstəliklər istisna edilməməlidir.

Pis qoxu, acı dadın gəlməsinin digər səbəbləri də ola bilər. Yanlış ağız gigiyenası, çürük dişlər, bağırsaqda qurdun olması, ağız daxilində damaq problemləri olan zaman da ağızdan pis qoxu gələ bilər. Çox vaxt əsas səbəb gigiyena qaydalarına riayət edilməməsi və ya bədənin müəyyən dərmanların, o cümlədən antibiotiklərin qəbuluna reaksiyası maşahidə edilir

Bundan əlavə:

Siqaret çəkmək

Badamcıqların iltihabı

Reflüks

Ağız quruluğu

Protezlər kimi hallar da ağızdan acı dadın gəlməsinə səbəb yarada bilər.

Bu səbəbdən əgər uzun müddət keçməyən pis qoxudan şikayət edirsinizsə həkimə müraciət etməyiniz tövsiyə edilir.