Hamiləlik əlamətləri

Hamiləlik əlamətləri, hər qadında fərqli zamanlarda, fərqli formalarda ortaya çıxa bilər. Bəzi qadınlar, bu əlamətləri heç yaşamasa da, bəziləri bütün əlamətləri yaşaya bilər.

Doktorinfo.az məlumat verir ki, hamiləlik əlamətləri, adətən hamiləliyin ilk 12 həftəsində müşahidə edilir. Ancaq bəzi simptomlar, hamiləliyin daha irəliki zamanında ortaya çıxa bilər.

Bir cox göstəricilər hamilelik ehtimalini dusundure bilir:

Hamilelik elametleri:

Menstruasiya gecikməsi – bu hər zaman hamiləlik göstəricisi olmaya bilər. Stress, pəhriz dəyişiklikləri, bəzi dərmanlar da gecikməyə səbəb ola bilər.

Mədə bulantısı və qusma – hamiləliyin ən çox yayılan əlamətlərindən biri mədə bulantısı və qusmadır. Adətən ilk 12 həftəsində görülür. Səhərlər daha şiddətli olur, ancaq günün digər saatlarında da görülə bilər.

Yorğunluq – hamiləlik, vücudunuzun çox çalışmasına səbəb olur. Bu səbəblə hamilələr adətən özlərini yorğun hiss edərlər. Bu, hamiləliyin ilk 3 ayında müşahidə edilir.

Süd vəzlərində həssaslıq – hamiləlik, süd vəzlərində qan dövranını artırır. Bu səbəblə süd vəzi şişərək daha həssas hala gələ bilər. Ağrılar hamiləliyin ilk 3 ayında daha şiddətli olar.

Sidiyə tez-tez getmək – hamiləlik, böyrəklərin daha sürətli fəaliyyətinə səbəb olduğundan hamilə qadınlar daha tez-tez tualetə gedərlər. Hamiləliyin ikinci və üçüncü trimestrında daha şiddətli olur.
Qarın nahiyəsində şişlik – dölün böyüməsiylə qarın hissədə şişlik müşahidə edilə bilər. Adətən ikinci üç aylıqda daha şiddətli olur.

Baş ağrısı – hamiləlik, hormon səviyyələrindəki dəyişikliklərlə bağlı olaraq ağrılar müşahidə edilə bilər. İlk trimestrda daha çox müşahidə edilə bilər.

Qəbizlik və ishal – orqanizmdə baş verən dəyişikliklərlə bağlıdır. Vücudun buna reaksiyasıdır.

Əsəbilik – hormon səviyyələrindəki dəyişikliklərlə bağlı olaraq duyğu pozuntuları baş verə bilər.
Cinsi istəyin dəyişməsi – bəzi qadınlar hamiləlik zamanı cinsi istəklərində çoxalma baş verdiyi halda, bəzilərinin cinsi istəklərində azalma müşahidə edilir. Belə qarışıq hislər hamiləliyin ilk trimestrı bitənə qədər davam edir.

Bəzi qidaların iyinə qarşı yaranan nifrət - bu ərəfələrdə ən çox sevdiyiniz yemək belə sizə dadsız və ya çox pis qoxulu gələ bilər. Həmçinin görəndə istəyib amma dadına baxan zaman nifrət yaradacaq qidalar belə varsa hamileliyin göstəricisi ola bilər.

Əgər bu əlamətlərdən bir neçəsini yaşayırsınızsa hamiləlik testini etməyiniz tövsiyə edilir. Bunu qan və ya idrarda mövcud olan hamiləlik hormonunu təsbit edərək öyrənə bilərsiniz.
Hamiləliyin ilk həftəsində hansısa əlamətlər görülməyə bilər.
Daha çox isə vücudda dəyişilən bəzi proseslərə görə, hamiləlikdən şübhələnmək olar:

Vaginal axıntının artışı

Yüngül qanaxmalar

Qoxulara qarşı həssaslıq

Mədə bulantısı

Həddindən çox halsızlıq.

Menstruasiyadan once hamilelik elametleri gorule bilermi?

Menstruasiya başlamadan hamiləlik əlamətləri yarana bilər. Ancaq bu oxşar əlamətlər olduğundan insanların düşüncəsinə hamiləlik gəlmir. Dəridə yaranan dəyişikliklər, gözaltı qaralmaları, bulantı, yorğunluq bu simptomlardandır.

Qarın ağrısı hamiləlik göstəricisidir?

Qarın ağrısını təkcə bununla əlaqələndirmək doğru deyil. Digər əlamətlərlə yanaşı qarında da ağrı varsa şübhələnmək mümkündür. Hamiləlik qarın ağrısı adətən ani gələn sancı krizi formasında olur. Əgər şiddətli olarsa həkimə dərhal müraciət edilməlidir.

Mədə yanmasının hamiləliklə əlaqəsi varmı?

Mədə bulantısı kimi mədə yanması da ilk həftələrdə yarana bilər. Bəzi hallarda isə hamiləliyin son aylarında daha şiddətli formada başlayır. Bu, uşağın böyüməsi və mədəyə təzyiq göstərməsi ilə əlaqədardır. Düzgün və az-az qidalanaraq bu vəziyyəti nizamlaya bilərsiniz.

Hamiləlik zamanı mədə qıcqırma halları da tez-tez müşahidə edilə bilər. Bu zaman isə təşvişə düşməyə əsas yoxdur. Bütün bu halların keçici olduğunu nəzərə alın.