Dölyanı mayenin hamiləlikdə rolu

Hamiləlik dövründə döl amniotik kisə kimi tanınan qoruyucu dölyanı kisə ilə əhatə olunur. Daxilindəki mayeyə amniotik maye, yəni dölyanı maye deyilir.

Doktorinfo.az xəbər verir ki, tərkibi ananın qan axınından əldə edilən su və elektrolitlərdən ibarətdir.

Dolyani mayenin rolu nedir?

Dölü xarici təzyiq, qəzalara qarşı müdafiə edir.

Hərarəti tənzimləyir. Döl daima sabit və normal temperaturda qalır.

Dölün əzələ sisteminin inkişafına şərait yaradır.

Daha ana bətnində olan zaman körpə qidalanma refleksini bu mayeni udmaqla qazanır.

Dölün tənəffüs sisteminin normal inkişafına təkan verir.
Hamiləlik zamanı dölyanı mayenin miqdarı necə olmalıdır?

Mayenin miqdarı sabit qalmır. Belə ki, döl böyüdükcə miqdar da artır. Son həftələrə yaxınlaşdıqca maye miqdarında da artış müşahidə edilir. Orta hesabla, bütün hamiləlik müddətində normal həcmi təxminən 800 ilə 1200 ml. arası olur. Lakin bu miqdar anadan asılı olaraq dəyişə də bilər.

Bəzi hamiləlik zamanı bu miqdar həddindən çox olur.

Bes dolyani mayenin miqdari cox ola bilermi?

Hamiləlikdə dölyanı mayenin həddindən artıq çoxluğu polihidramnioz və ya hidramnioz kimi tanınan bir vəziyyətdir.

Polihidramniozun baş vermə səbəbləri nələrdir?

Şəkərli diabetin mövcudluğu
Mədə-bağırsaq və ya mərkəzi sinir sistemi problemləri buna zəmin yarada bilir.

Ekizler və ya daha çox dölün mövcud olması mayenin səviyyəsini artırır.

Plasenta anomaliyaları.

Bəs maye miqdarının çox olmasına müdaxilə lazımdırmı?

Müalicəsi səbəblərdən asılıdır. Maye miqdarı daima nəzarətdə saxlanılmalıdır. Daha ağır hallarda amniorduksiyadan, erkən doğum kimi müdaxilələr mayenin çoxluğu ilə bağlı riskləri azaltmaq və mümkün risklərin qarşısını almaq üçün seçilə bilər. Bu prosedur iynə vasitəsilə artıq mayenin boşaldılmasıdır. Ehtiyac olub-olmaması isə ginekoloq müayinəsindən sonra müəyyənləşir.