Cinsi əlaqədən neçə gün sonra hamiləlik bilinir?

Ovulyasiya nedir?

Doktorinfo.az xəbər verir ki, follikulun partlaması ilə nəticəsində yumurta hüceyrənin oradan çıxması ovulyasiya adlanır.

Ovulyasiya nə zaman baş verir?

Menstruasiya tsiklinin başlamasına 14 gün qalmış baş verir. Bəzən pasiyentlər hesabı düzgün apara bilmirlər. Bu da çaşqınlığa yol açır.

Bes hesablama nece olmalidir?

Bir çox qadın ovulyasiya gününü menstruasiya başlayandan hesablayır. Ancaq aybaşı başlanandan geriyə 14 gün olaraq saymaq lazımdır.

Hamilə qalmağın günü varmı?

Qeyd edək ki, spermatozoidin qadın cinsiyyət yollarında 5 sutkaya qədər yaşamaq müddəti vardır.
Yumurta hüceyrənin yaşamaq müddəti isə ovulyasiyadan sonra təqribən 48 saata qədərdir. Ovulyasiyadan əvvəl cinsi əlaqədə olduqda hamiləlik ehtimalı daha yüksək olur. İlk 24 saata qədər mayalanmanın olması daha arzu olunandır, çünki bir sutkadan sonra yumurta hüceyrə keyfiyyətini itirməyə başlayır.

Hamilelik testi ne zaman yoxlanilmalidir?

Doğru nəticə üçün menstruasiya zamanı gözlənilməlidir. Menstruasiya gecikməsindən 1 həftə sonra testi yoxlaya bilərsiniz. Bundan əlavə daha tez öyrənmək istəsəniz bu barədə qan analizi köməyinizə çatacaqdır.

Nadir hallarda hamiləlik testi cinsi əlaqədən 10 gün sonra, menstruasiya başlamazdən öncə sidikdə HCG-nı aşkar edə bilər. Ancaq unudulmamalıdır ki, bu zaman cavab yanlış çıxa bilər.