Hamiləlikdə tsh hormonu müayinəsi - Endokrinoloq açıqlaması

Tsh-ın normada saxlanılması hamiləlik müddətin əsas rol oynayır. Çünki göstəricilər əksik və ya artıq çıxarsa bu, uşaq üçün təhlükəli ola bilər. Dölün tələf olması ilə belə nəticələnə bilər.
Anamnezində hipotireozu olan və hamiləlik planlaşdıran xəstələrdə tiroksinin səviyyəsini azaldaraq, TSH-ın zərdabda səviyyəsinin <2.5 mBV/ml -ə qədər qalxmasına nail olmaq lazımdır.

Doktorinfo.az xəbər verir ki, endokrinoloq diyetoloq Mədinə Dilbazinin sözlərinə görə, belə artım hamiləliyin ilk trimestrində TSH-ın səviyyəsinin artması riskini azaldır:

"Hamiləlik zamanı estrogenin səviyyəsi və tiroidbirləşdirici qlobulinin konsentrasiyası artır, bu isə T4 və T3 hormonlarının artmasına gətirib çıxarır. Birinci trimestrdə, həmçinin, insanın xorionik qonadotropininin təsirindən zərdabda TSH-ın səviyyəsi aşağı düşür, bu isə FT4-ün cüzi və keçici artması ilə assosiasiya olunur. Bu dəyişikliklər cüzidir və bir çox hamilə qadınlarda FT4 konsentrasiyaları hamilə olmayan qadınlardakı normal göstərici ilə eyni qalır. İkinci və üçüncü trimestrdə, FT4 və FT3 səviyyəsi azalaraq, hamilə olmayan qadınlardakı standart səviyyədən aşağı düşür. Hamilə qadınlarda skrininqin lehinə və ya əleyhinə olan elmi dəlillər kifayət qədər deyil".

Endokrinologiya Cəmiyyəti qalxanabənzər vəzinin disfunksiyası riski olan skrininq qruplarını tövsiyə edir.

Endokrinoloq bunların aşağıdakı qadınların aid olduğunu dilə gətirib:

>30 yaş

Hal-hazırda levotiroksinlə əvəzedici müalicə alan

Yod çatışmazlığı olan, endemik zonada yaşayan
Anamnezdə hipertireoz və ya hipotireoz, doğuşdan sonra tireoidit, yaxud qalxanabənzər vəzinin lobektomiyası olan

Ailə anamnezində qalxanabənzər vəzinin patologiyası olan

Tiroid anticisimləri (məlum olduqda)

Qalxanabənzər vəzinin funksiyasının azalmasını və ya artmasını göstərən simptomlar və kliniki əlamətlər, məsələn, anemiya, xolesterolun səviyyəsinin artması və ya hiponatriemiya

Birinci tip şəkərli diabet

Digər autoimmun patologiyalar.

Qeyd edək ki, sonsuzluğa görə kliniki müayinənin bir hissəsi kimi TSH səviyyəsi yoxlanılmalıdır.
Hipotireozu olan hamilə qadınlarda QFS-ə diqqətlə nəzarət etmək lazımdır, belə ki, əksər hallarda ilk trimestrdə tiroksininin əvəzolunması 30-50% artırılmalıdır.