Kətan toxumunun faydaları və zərərləri

Kətan toxumu, faydaları səbəbiylə qidalanmada əsas yer tutur. Kətan toxumu dedikdə ilk ağıla omega 3 qaynağı gəlir. Görüntüsü ilə küncütə bənzəyir. Həzmi rahat olan qidanın faydaları çoxdur.

Kətan toxumu, yağ, lif və antioksidant qaynağıdır. Çində və Misirdə yetişdirilən toxum, tibdə də istifadə edilir. Yağı, unu, kapsullarından istifadə edilir. Qəbizlik, diabet, yüksək xolesterin, ürək xəstəliyi kimi bir çox xəstəliklər zamanı faydalıdır. Ancaq faydaları ilə yanaşı zərərləri də mövcuddur.

Kətan toxumunun 2 xörək qaşığında 6 qram lif, 4-5 qram bitki proteinlə yanaşı B qrupu vitminləri, maqnezium, manganez, fosfor, bakır, tiamin mövcuddur. Maqnezium yuxu və ruh halını yaxşılaşdırarkən, manganez kollagen istehsalını dəstəkləyərək dəri sağlamlığı və sümük sağlamlığı üzərində müsbət təsirə malikdir. Fosfor sayəsində hüceyrələrin yaranması və sümüklərin qorunmasını təmin edilə bilər.

Antioksidant qaynağıdır. Bunun sayəsində stresə qarşı xərçəngdən və ürək xəstəliklərindən qoruyur. Həmçinin erkən qocalma, altsheymer, parkinson kimi xəstəliklər riskini aşağı salır.
Xolesterini aşağı salır. Ürək sağlamlığı üçün əhəmiyyətə malikdir. Pis xolesterini endirib, yaxşı xolesterini qaldırır.

Həzm sistemini qaydaya salır. Toksinlərin və yağların vücuddan atılması liflər sayəsində olur.
Kətan toxumu, tərkibi ilə süd vəzi, bağırsaq, prostat xərçəng şişlərinin qarşısını almağa kömək edir. Yeni qan damarların yaranmasını və böyüməsini dayandıra biləcək gücü vardır.

Qan şəkərini tənzimləyir.

Dərini yaxşılaşdırır. Kətan yağından istifadə dəri üçün gözlə görünəcək həddə dəyişikliklərə səbəb olur. Dəri parlaq görünür, qabıqlanma azalır. Saça da faydaları çoxdur. Kəpək yaranmasının qarşısını alır. E vitamini tərkibi ilə dayanıqlı nəmli saçlara sahib olmağa kömək edir.

Tox tutur – Tərkibindəki liflər, su ilə birləşdiyi zaman gel kimi miqdar alınır. Bu da mədənin boşalmasını gecikdirir və toxluq hissinin uzunmüddət davam etməsini təmin edir.

Araşdırmalara görə, 2 qaşıq kətan toxumu istifadə edənlərdə çəki itkisi və bel ətrafında incəlmə baş verir.

Qadınlar nə üçün kətan toxumundan istifadə etməlidirlər?

Hamilə qalmaq ehtimalını artırır. Hormonal pozuntularının qarşısını alır.
Zərərləri nələrdir?

Xüsusilə hamilələr və uşaq əmizdirən qadınların kətan toxumu istifadə etməmələri tövsiyə edilir. Yüksək potasium tərkibi ilə kətan toxumunu böyrək xəstəliyi olanlara mənfi təsir göstərir.

Kətan toxumu necə saxlanılmalıdır?

Toxum toz halındadırsa hava ilə təmas zamanı oksitlənir. Bu səbəbdən bütöv olaraq istifadəsi məsləhətdir. Əgər toz haldadırsa mütləq şüşə qabda, quru yerdə saxlanılmalıdır.