İtburnunun faydaları və zərərləri

İtburnu xalq arasında xüsusilə bitki çayı kimi sevilərək içilir. Qrip və buna bənzər qış xəstəliklərinə qarşı qalxan rolunu oynayır. Bu bitki həmçinin tənəffüs yolu xəstəliklərinə qarşı olduqca faydalıdır.

Payız-qış aylarında fərqli formalarda istifadə edilə biləcək itburnu meyvəsi ürək-damar xəstəliklərindən diabetə, mədə narahatçılıqlarından soyuqdəyməyə qədər bir çox xəstəliklər zamanı faydalıdır.

İtburnu, C vitamini, pektin, karoten, meyvə asitləri və yağ baxımından olduqca zəngin meyvədir.
Bəs digər faydaları nələrdir?

Tərkibində yüksək miqdarda likopen mövcuddur. Likopen istifadə ediliyi təqdirdə antioksidant vəzifəsini görür və vücudda qoruma funksiyasını gücləndirir.

Mədə xəstəlikləri üçün şəfadır – Mədə narahatçılığından həzm sisteminə qədər olduqca faydalıdır.

Ağrı və iltihab müalicəsində köməkçidir – Vücudda meydana gələ biləcək iltihablanma və ya oynaqlarda yarana biləcək ağrıların müalicəsində effektli rola sahibdir.

Öskürəyə və qribal infeksiyalara qarşı təsirlidir – C vitamini və antioksidant qaynaqlarından biri olan itburnu uzunmüddətdir öskürək, soyuqdəymə, qrip, tənəffüs yolu problemləri kimi infeksiyalarla mübarizə aparmaq üçün istifadə edilir. Mütəxəssislərə görə, bir çay qaşığı qədər itburnu meyvəsi bir ədəd portağaldan iki qat daha çox C vitamini təşkil edir.
Dərini gözəlləşdirir – Kollagen dərinin yenilənməsini və elastikliyi təmin edən proteindir. İtburnu meyvəsində isə olduqca A və C vitamini mövcuddur. Dəri qocalmasının qarşısını alır.

Əks təsirləri varmı?
Hər qidada olduğu kimi itburnu meyvəsinin də çox istifadəsi zamanı əks təsirlər yarana bilər. Həddindən çox istifadə edilərsə qusma, mədədə yanma, baş ağrıları, yuxusuzluq kimi əks təsirləri yarana bilər. Hətta bu zaman böyrəkdə daş yaranmasının ehtimalı yüksəkdir.

Həmçinin çox istifadə edildiyi təqdirdə allergik təsir verə bilər.

Hamilələr istifadədən öncə həkimlə məsləhətləşməlidirlər.

Şəkər xəstəliyi olanlar itburnudan istifadə edərkən ehtiyyatlı olmalıdırlar. Çünki istifadə edilən dərmanlarla birlikdə qəbul edilən zaman reaksiyaya girə bilər.