Qozun faydaları və zərərləri

Qoz, hər zaman "beyin yeməyi" olaraq qəbul edilir. Bəlkə quruluşunun da beyinə bənzəmə səbəbi budur. Yağ, protein və lif qaynağıdır. Ürək və sümük sağlamlığını qoruyur və uyğun çəkidə qalmağa kömək edir.
Bir ovuc qoz, yüksək miqdarda manganez, molibden, biotin, omega-3 yağlarının gündəlik tövsiyə edilən dəyərinin 100-də 100-dən çoxunu təşkil edir.

Təkcə prostat xərçəngi riskini azaltmır, eyni zamanda süd vəzi xərçəngi zamanı kömək olur. Antioksidantdır. Beyin sağlamlığı üçün əsas vasitədir.

Tip 2 diabet xəstələri rahatlıqla yeyə bilərlər.

Omega 3 və E vitamini ilə zəngin olduğu üçün immunitet sistemini gücləndirir. Xüsusilə payız ayların bol-bol istifadə etmək tövsiyə edilir. Balıq yeməyən insanlar üçün omega qaynağıdır.
Vücudda iltihablanma təsirlərini azaldır.

Yaddaşı gücləndirir. Omega 3 və omega 6 yağ asitləri ilə zəngin olduğu üçün zehnin daha da güclü fəaliyyətinə yol açar.

Depressiyaya qarşı qoruya bilir.

Sperma keyfiyyətini artıra bilir. Uşaq sahibi olmaq istəyən cütlüklər üçün əsas qidadır. Həmçinin spermanın quruluşundakı qeyri-adi dəyişikliklərin önünə keçə bilir.

Sümük sağlamlığını qoruyur. Sümük qırılmalarına qarşı dayanıqsız hala gətirən sümük əriməsi riskinin artmasının qarşısını alır. Maqnezium və kalsiumun sümük tərəfindən sovrulmasına kömək olaraq sümük quruluşunu gücləndirir.

Yuxu rejimini tənzimləyir. Yuxunu normaya salan melatonin hormonunun istehsalına kömək olur. Hətta qozda bioloji olaraq istifadə edilə bilən melatonin mövcuddur. Yaxşı və dərin yuxu yata bilməyənlər axşam yeməklərində qozdan istifadə etməlidirlər.

Dəri sağlamlığı üçün faydalıdır. Qozun dəriyə faydası hər zaman maraq mövzusu olub. Qoz, əslində həm dırnaqları, həm də saçları gücləndirmə xüsusiyyətinə sahibdir. Onların daha sürətlə və güclü böyüməsində biotik və ya B7 vitamini böyük rol oynayır. E vitamini isə saçların və dırnaqların daha təbii görünməsinə səbəb olur və parlaq edir. Quru dəriyə sahib insanlar həkim təsdiqi ilə qoz yağını dərilərinə tətbiq edə bilərlər.

hamiləlikdə qozun faydaları
Duzsuz və qovrulmuş qozda mövcud olan B vitamin qrupu hamiləlik zamanı faydalıdır. Hamilə qadınların ilk 3 ayında qoz daxil olmaqla digər ləpə növlərindən istifadəsi uşağın beyin inkişafı cəhətdən mühüm əhəmiyyət kəsb edir.

Qozun xolesterin cəhətdən əhəmiyyəti nədir?

ABŞ, Yeni Zenlandiya, İspaniyada aparılan araşdırmalara görə, gündə 2-3 qozun yeyilməsi xolesterini aşağı endirib, ürək xəstəliyi riskini azalda bilir. Hətta ailənizdə ürək ağrılarından əziyyət çəkən varsa gündəlik qozdan istifadə etməyi unutmasın.

Qoz alarkən nələrə diqqət edilməlidir?

Keyfiyyətli və ləzzətli qoz adətən incə qabığından anlaşılır. Qabıqlı alırsınızsa qabığının qırılmamış olmasına diqqət edin. Bundan əlavə qoz kifli olmamalıdır. İçini açdığınız zaman köhnə yağ iyi gəlirsə, bu qozun təzə olmadığını göstərir. Qoz quru olmalıdır.

Qoz hansı şəraitdə saxlanılmalıdır?

Qabığını qırmadan sərin, qaranlıq, quru yerdə və ağzı hava almayacaq qabda saxlamalısınız. Bu onun ömrünü uzadır. Soyducuda bir il saxlanıla bilər.
Uzunmüddət istiyə məruz qalan qoz sərtləşə bilər. Bu da qozun acı dadmasına səbəb olur. Həmçinin qoz qoxuları özünə tez çəkən qidadır. Bu səbəblə iyli qidalarla birlikdə saxlamayın.

Qozda bakteriya toplana bilər?

Saxlanma şəraitinə diqqət etmədiyiniz zaman kiflənmə görünə bilər. Bu da müxtəlif mikroorqanizmlərin vücuda daxil olmasına yol açar. Bu səbəbdən təzə qoz tez istifadə edilməlidir.

Bəs qozun zərərləri varmı?

Faydaları qədər zərəri də ola bilər. Həddindən çox istifadə edildiyi təqdirdə oksalat səbəbiylə böyrək daşına yol aça bilər. Həmçinin bu qidaya qarşı allergiyası olan insanlar var ki, onların istifadəsi tövsiyə edilmir. İstənilməyən nəticələr doğura bilər. Ağız qaşınırsa, udqunmada çətinlik olarsa bu qoza qarşı allergiyanın əlaməti ola bilər. Diqqət edilmədiyi təqdirdə şok yaradaraq ölümlə nəticələnə bilər.

Həmçinin çox istifadəsi ishala və mədə bulantısına yol aça bilər.

Qeyd edək ki, nəfəs borusuna anidən keçə biləcəyi üçün kiçik uşaqların istifadəsi zamanı ehtiyyatlı olmalısınız.