Ana südünün faydaları

Saymaqla bitməyəcək qədər faydası olan ana südü, həm pul tələb etməyən, həm də hər zaman yeni və ideal istilikdə olan qidadır.

Doktorinfo.az xəbər verir ki, həkimlər ilk 6 ayda sadəcə ana südü ilə qidalanmağın, süd verməyin 2 yaşa qədər davam etməsini tövsiyə edirlər. Bu, uşağın böyüməsi, immun sisteminin inkişafı və xroniki xəstəliklərin qarşısının alınması cəhətdən mühümdür.

Ana südü körpələr üçün ideal qida qaynağıdır. Doğuşdan sonra ilk altı ay ana südü vacibdir. Bu müddət 2 yaşa kimi uzadıla bilər. Bununla uşaqlar bütün qida ehtiyaclarını qarşılayır. 6 aydan sonra isə ana südü ilə yanaşı əlavə qidalara da müraciət edilməlidir.

Ana sudunun qida deyeri nedir?
Ana südü, körpənin sağlam böyümə və inkişafı üçün gərəkli bütün qida dəyərlərinə sahibdir. Tərkibində təxminən 87 faiz su, proteinlər, yağlar, omega 3 və omega 6 yağ asitləri, karbonhidratlar, A, D, E, K vitaminləri və minerallar vardır. Bu zəngin tərkib körpənin enerji ehtiyacını qarşılayır.

Ana südünün faydaları nələrdir?

İmmun sistemini gücləndirir – Ana südündəki antikorlar, uşağı infeksiyalara qarşı qoruyur.
Həzmi asanlaşdırır – Körpənin həssas həzm sisteminə ən uyğun qidadır.
Allergik reaksiyanı azaldır – Ana südüylə qidalanan körpələrdə allergiya və astma riski daha aşağıdır.

Beyin inkişafını dəstəkləyir – Özəl yağ asitləri sayəsində körpənin beyin inkişafına müsbət təsir göstərir.

Xroniki xəstəlik riskini azaldır – Piylənmə, diabet, ürək xəstəliyi kimi xəstəliklərə qarşı qorumanı təmin edir.

Süd vermənin uşaqlar üçün çoxlu faydası vardır:

Əmizdirmə, körpələrin həzm sisteminin sağlam inkişafına dəstək olur

Qəbizlik kimi həzm problemlərini azaldır

Körpələrdə tənəffüs yolu infeksiyaları

Orta qulaq infeksiyaları

Piylənmə və

Allergik xəstəliklər kimi problemlərin görülmə sıxlığını azaldır.

Ana sudu hansi xesteliklere qarsi qoruyur?
Tənəffüs yolu infeksiyaları – Bronxit, qrip kimi tənəffüs yolu infeksiyalara yoluxma riskini azaldır.

Mədə-bağırsaq infeksiyaları – İshal, qusma kimi həzm sistemi narahatlıqlarına qarşı qoruyur.

Orta qulaq iltihabları – Qulaq infeksiyası riskini aşağı salır.

Allergik xəstəliklər – Astma, ekzema kimi allergik xəstəliklərə yoluxma riskini azaldır.

Piylənmə - Riski aşağı salır.