E vitamininin faydaları

E vitamini, vücudun gündəlik funksiyalarının yerinə gətirə bilməsi üçün gərəkli olan tokoferol olaraq da adlandırılan təməl vitamin növlərindən biridir.

Doktorinfo.az xəbər verir ki, A, D, K vitaminləri kimi E vitamini də yağda həll olur və qaraciyərdə bir miqdar toplanılır. Qidalarla birlikdə alındıqdan sonra incə bağırsaqlardan sovrulan bu vitamin, qaraciyərdə toplana bilmə xüsusiyyəti səbəbiylə əksikliyi suda həll olunan vitaminlərlə müqayisədə daha nadir görülən bir qida nümunəsidir. Qaraciyərə əlavə olaraq ürək, böyrəklər, böyrəküstü vəzləri, əzələlər və toxumalarda da bir miqdar E vitamin toplana bilər. Səkkiz fərqli növü mövcud olan bu vitaminin insan vücudunda istifadə edilə bilən tək forma, alfa tokoferol olaraq adlandırılan növüdür. Bitki yağları, dəyərli yağ tərkibli qidalar E vitamininin təməl qaynaqları arasında yer alır. Gündəlik E vitamini kişilər üçün 10 mg, qadınlar üçün 8 mg miqdarındadır. Uşaqlar üçün isə gündəlik miqdar yaşa uyğun 3-10 mg aralığında dəyişir. Əksikliyi zamanı bəzi problemlər ortaya çıxır.

E vitamininin faydalari nelerdir?

Hüceyrə zədələrinin qarşısını alır: Antioksidant xüsusiyyəti sayəsində E vitamini, sərbəst radikalların hüceyrələrə zərər verməsini və xərçəngləşməyə yol açmasının qarşısını alır.

Dərini qocalmağa qarşı qoruyur: Dəri sağlamlığı üçün vacib olan E vitamini, dərinin nəm tarazlığının qorunmasına, yara və yanıq izlərinin sürətli şəkildə yaxşılaşmasına, qırışıqlıqların və digər dəri problemlərinin qarşısını almağa kömək edir. Bir çox kosmetik məhsulların tərkibində yer alır.

Saç və dırnaq sağlamlığını inkişaf etdirir: E vitamini, saçların sağlam və sürətlə uzanmasını, eyni zamanda qırılmağa və qoparaq tökülməyə qarşı dayanıqlı quruluşunun olmasına yardım edir. Dırnaq sağlamlığı cəhətdən də müsbət effektləri olan E vitamini dırnaqların saralmasını, çatlamasını və soyulmasının qarşısını alarkən sağlam formada uzanmasına kömək edir.

İmmun sisteminin güclənməsində rol oynayır. Orqanizmi infeksiyalara qarşı qoruyur.

Vücudda sərbast radikalların hərəkətinin qarşısını alaraq orqanlara zərər verməsindən qoruyur.

Ekzema, sədəf kimi xəstəliklərin təsirinin azalmasına kömək olur.
Hansı qidalarda mövcuddur?

Zeytun yağı, fındıq yağı kimi bitki tərkili məhsullar,

Fındıq, badam, qoz, tum,

İspanaq, kəvər, kələm, brokoli kimi tərəvəzlər,

Toyuq əti,

Balıq növləri,

Kərə yağı,

Yumurta.

E vitamini əksikliyi nələrə yol aça bilər?

E vitamini əksikliyi nadir görülən vəziyyətdir və sinir sistemi üzərində sinir ağrısı kimi problemlərə səbəb ola bilər. Həmçinin həzm prosesində bir sıra problemlər yarana bilər.

Bəs artıq olması hansı problemləri yarada bilər?
Uyğun miqdarda qəbul olunduğu zaman problem meydana çıxmaz. Ağızdan həb formasında artıq qəbul olunduğu zaman ishal, bağırsaq sancıları, görmə pozğunluğu, səpkilər, ürək bulantısı, baş ağrısı kimi əks təsirlər yarana bilər. Həddindən artıq qəbulu, demans, xərçəng kimi bir sıra xəstəliklərin yaranma ehtimalını azaltsa da daxili orqanlar üçün artışın zərərli olduğu bildirilir.

E vitamininin başqa dərmanlarla istifadəsinin təsiri:

Bəzi dərmanların istifadəsi şəxsdə E vitamini səviyyəsinə təsir edə bilər. Anti-şiş antibiotiklər, kimyaterapiya dərmanları ilə birlikdə istifadəsi düzgün deyil. Həmçinin anti-trombosit dərmanları ilə birlikdə E vitamininin istifadəsi şəxsdə qanaxma riskini artıra biləcəyi üçün diqqətli olmaqda fayda vardır.