Orqanizmi xərçəngdən qoruyan qidalar

Düzgün qidalanma xərçəng hüceyrələrinin böyüməsini dayandıra bilər. 

Doktorinfo.az xəbər verir ki, hər təbii qidaların faydaları olduqca çoxdur. Sadəcə bəzi qidalar var ki, onlar insan orqanizmini xərçəng xəstəliyindən müdafiə edir.

Xərçəngdən qoruyan qidalar hansılardır?

Kələm, sarımsaq və balıq ilk sıralarda gəlir. Hər üç qida omeqa-3 yağ turşularının mənbəyidir. Orqanizmdə xərçəng hüceyrələrinin yayılmasını ləngidə, hətta dayandıra bilər.

Bu məhsullar həm də immunitet sistemini gücləndirməyə, orqanizmi yaxşı formada saxlamağa kömək edir.
Həmçinin paxlalı bitkilər, yaşıl çay və sarıkök də xərçəngdən qoruyur. Bu məhsulların antikanserogen xüsusiyyətlərə malik olduğu araşdırmalar nəticəsində sübuta yetirilib.

Lobya, mərcimək və yaşıl çayın tərkibində çoxlu vitamin və minerallar mövcuddur. Onlar təbii antioksidantlardır. Tərkibində orqanizmin hüceyrələrini zədələnmədən qoruyan bitki birləşmələri var.

Brokoli, gül kələmi və Brüssel kələmi də ağır xəstəlikdən qoruyan qidalar arasında yer alır. İçərilərində xərçəng hüceyrələrini də məhv edə bilən "sulforafan" ehtiva edir.

Qeyd edək ki, mövsümündən, növündən asılı olmayaraq hazır qidalar, paketlənmiş qidalar, uzunmüddət dondurucuda qalan yeməklər sağlamlıq üçün zərərlidir. Həmçinin xərçəng xəstəliyinə yoluxmaq ehtimalını artırır.