Vaginal axıntı və müalicəsi

Vaginal axıntıdakı anormal vəziyyətlər bütün infeksiyadan əziyyət çəkən qadınların ortaq xüsusiyyətidir.

Doktorinfo.az xəbər verir ki, bu səbəbdən öncə vaginal axıntının nə olduğuna diqqət yetirək. Vaginal axıntı təbii vəziyyətdir və hamilə qala bilən qadınların əksəriyyətində baş verir. Vacib olan bu axıntının səbəbi, narahatçılıq verib-verməməsidir. Bu, iki hissəyə ayrılır:

Fizioloji axıntılar

Patolojik axıntılar

Fizioloji axıntılar vücudun özünün yaratdığı axıntılardır. Patolojik axıntıların arxasında isə infeksiya kimi problem dayanır.

Fizioloji vaginal axıntı

Qadınlarda görülən normal axıntı adətən şəffaf, qoxusuz, başqa narahatçılıq verməyən formada olur.

Bu qadından-qadına dəyişir. Qadınlarda mayalanma zamanında bu axıntıların miqdarı qatılaşa bilər, ancaq yenə də şəffaf və qoxusuzdur.

Patolojik vaginal axıntı

Anormal vaginal axıntı qadında bir patalogiyanın xəbərçisidir. Bunlar görülən zaman ginekoloqa müraciət edilməlidir.
Patolojik səbəbdən qaynaqlanan axıntılar adətən bol miqdarda olur, rənglidir, pis qoxulu olur. Belə əlamətlər adətən Vaginitin göstəricisidir. Bu infeksiyalar, viruslardan, bakteriyalardan göbələklərdən və digər mikro orqanizmlərdən qaynaqlana bilər.
Patoloji axıntıların səbəblərini, yarandıqları nahiyəyə görə üç qrupa ayıra bilərsiniz:

Vaginit: Vaginal nahiyədəki infeksiyalara verilən addır. Bakteriya, virus və göbələk mənşəli ola bilər.

Servisit: Serviks adı verilən rəhm ağzı nahiyəsində meydana gələn infeksiyalara verilən ümumi addır.

Pelvik inflamatuar xəstəlik: Rəhm ağzından daha içəridə mövcud olan, rəhm, yumurtalıqlar və fallop boruları kimi nahiyələrdə meydana gələn infeksiyalara verilən addır.

Hər infeksiya növündə də təbii olmayan, rəngli və pis qoxulu axıntılar görülə bilir. Buna əlavə olaraq servisitdə qarın ağrıları da müşahidə edilə bilər.
Fizioloji vaginal axıntı qadınlar üçün həm təbii həm də faydalı vəziyyətdir.

Patoloji axıntılardan isə vaginal floranızı qoruyaraq və gigiyenaya diqqət edərək qoruna bilərsiniz.

Bunun üçün nə etməli?

Vagina daxilini yumayın və duşdan sonra sadəcə xarici nahiyəni qurulayın.

Parfüm, kimyəvi qatqılı, bez kimi əşyalardan istifadə etməyin.

Pambıqlı iç geyimlərdən istifadə edin və tez-tez dəyişdirin.

Genital nahiyəni sıxan, hava axınına maneə olan geyimlərdən istifadə etməyin.

Kökəlməyin.