Yumurtalıq ağrısı

Qadın xəstəlikləri geniş yayılmış problemlərdən biridir. Bunlardan biri isə yumurtalıq ağrılarıdır. Bu, qadınların iş və gündəlik fəaliyyətinə mənfi təsir göstərə bilir.

Doktorinfo.az xəbər verir ki, yumurtalıqlar menstruasiya müddəti, hamiləlik və süd vermə kimi dövrlərin həm tənzimləyici həm də hədəf orqanlarından olduğundan mütəmadi olaraq geri dönüş və dəyişkənlik halı içindədir. Bu səbəbdən müxtəlif faktorlar təsir göstərə bilər. Bir çox qadın bu ağrılardan əziyyət çəkir. Fizioloji problemlərdən qaynaqlana biləcəyi kimi, sağlamlıq problemlərinin də əlaməti ola bilər.

Yumurtaliq agrisinin sebebleri:

Ovulyasiya zamanı. Bu zaman yumurtalıq toxumalarında gərilmə ola bilər ki bu da ağrıya səbəb olur.

Yumurtalıq kistaları. Yumurtalıq toxuması içərisində yaranan və böyüyən yumurta hüceyrələri ilə birlikdə hormonlarda dəyişikliklərə səbəb olan kistalar müşahidə edilə bilər. Müxtəlif səbəblərdən böyüyür.

Qarın içində yer alan qaraciyər, bağırsaqlar, sidik yolu kimi müxtəlif toxuma və orqanlarda meydana gələn narahatlıqlarda qarın ağrısı ortaya çıxa bilər. Qarın ağrısı yumurtalıq nahiyəsində hiss edilə bilər. Ağrılar adətən appendisit, qəbizlik, böyrək daşları, hamiləlik və sidik yolu infeksiyası kimi vəziyyətlərdə görülür.

İnfeksiyalar.
Cərrahi prosedurlar və s.

Yumurtalıq ağrısı müalicəsində nələr edilir?

Yumurtalıq ağrısına yol açan faktorların doğru dəyərləndirilməsi və diaqnozunun qoyulması müalicənin uğur qazanmasında əsasdır. Xəstələrdə altda yatan səbəbi tapmaq və ona uyğun müalicə planı tərtib edilməlidir.

İnfeksiya xəstəliklərinin varlığında antibiotik müalicəsi tətbiq edilməlidir. Gərəkli olan müalicəyə cərrahi prosedurlar da daxildir.