Abortdan sonra menstruasiya

Abortdan sonra menstruasiyanın gecikməsi rast gəlinən şikayətlərdən hesab edilir.

Abortdan sonra ilkin menstruasiya

Doktorinfo.az xəbər verir ki, abortdan sonra yaranan menstruasiya fərqli intervallarla özünü göstərir. Abortdan sonra menstruasiya 1 ay ərzində qaydasına düşür.

Süni yolla hamiləliyi dayandıran zaman menstruasiyanın nə zaman başlayacağı sual mövzusudur.

Bu, abortun aparılma üsulundan da asılıdır.

Belə ki, abort əgər çətin keçərsə uşaqlığın daxili qatının bərpası çətin və uzun müddət tələb edir. Təxminən 30-35 gün sonra aybaşının olması gözləniləndir.

Abortdan sonra menstruasiyanın gecikməsinin səbəbləri:
Hormonal pozğunluq – Bu halda hormonal sistemin işini tənzimləyən preparatlar təyin edilir.

İltihabi proseslər – Gigiyenaya diqqət edilmədiyi zaman bəzən iltihabi proseslər baş verə bilər. Tibbi alətlərin sterilizasiyası vacibdir.

Uşaqlığın zədələnməsi – Belə hal olduğu zaman bərpa üçün əlavə aylara ehtiyac ola bilər.

Abortdan sonra hamilə qalmaq mümkündür. Əgər yeni hamiləlik istəmirsinizsə qorunma yollarını həkimdən öyrənməlisiniz.

Abortdan sonra diqqət edilməli məqamlar:

Abortdan sonrakı həftə hər gün hərarətinizi ölçün. 38°C dən yüksək olarsa həkiminizlə əlaqə saxlayın.

Yazılan dərmanları düzgün qəbul edin.

Abortdan 7-10 gün sonra mütləq kontrola gedin.

Qanaxmanın miqdarını izləyin əgər bir paket bir saatdan az müddətə dolarsa həkimə zəng vurun