Hamiləliyi asan keçirməyin üsulları

Hamiləlik 9 aylıq müddəti əhatə edən perioddur. Hamiləliyi hər qadın bir formada keçirir.

Doktorinfo.az xəbər verir ki, yay ayında isə hamiləlik daha çətin keçir. İsti havaların yaratdığı çətinliklərlə çətin nəfəs alma, yorğunluq, halsızlıq kimi vəziyyətlər yarana bilir.

Bu müddətdə isə daha diqqətli olmaq tələb olunur. Çünki ümumi zəiflik, ödem, ürək döyüntüsü, şişkinlik, ürəkbulanma, qusma, reflü və dəridə yaranan qəhvəyi ləkələr bu mövsümü dözülməz edə bilər.

Bəs hamilələr yay fəslini necə asan keçirə bilərlər?
Çox maye qəbulu əsas şərtlərdən biridir.

Qara geyimdən uzaq durulmalıdır. Çünki qara rəng istini özünə daha tez çəkir.

Yay ayında olmağınızdan asılı olmayaraq D vitamininin normada olduğuna əmin olun.

Tərkibində yüksək miqdarda su olan qidalara üstünlük verilməlidir.

Dar geyimlər seçilməməlidir. Bu həm ana həm də uşaq üçün təhlükəlidir.

Yüngül məşqlər etmək həm fiziki sağlamlığınızı qorumağa kömək edəcək, həm də rahat hərəkət etməyinizi təmin edəcəkdir.

Günəşdən qorunmaq lazımdır. Çıxmaq vacib hala gələrdə günəş qoruyucu kremlərdən istifadə edilməlidir.
Yeni qidalar yeyilməlidir. Köhnə qidaların zəhərlənmə vermə ehtimalı yüksəkdir.

Ayaqlardakı şiş və ödem üçün rahat ayaqqabılar seçin.

Müayinələrinizi gecikdirməyin.

Kimyəvi maddələrin istifadəsindən və həmin ortamdan uzaqlaşın. Bu isti günlərdə daha tez təsir göstərə bilər və halınızın pisləşməsinə yol açar.

Uzaq səyahətlərdən qaçının.