XQ analizi nədir?

Hamiləlik bir çox üsullarla təsdiq edilə bilər. Ən çox istifadə edilən üsullardan biri isə testlər və qan analizidir. Testlərin yanılmaq payı olsa da ən doğru cavabı qan analizi ilə əldə edə bilərsiniz.

Doktorinfo.az xəbər verir ki, bu XQ analizidir. Laboratoriyalarda verilən hamiləliyi müəyyən edən analizin əsas məqsədi, qanda xorionik qonadotropin (XQ) hormonunun miqdarını təyin etməkdir. XQ hamiləlik zamanı yaranan hormondur və bunu qan testi ilə müəyyən edə bilərsiniz.

Hamiləlik analizi yalançı hamiləlik zamanı da yaranır sadəcə göstəricilər fərqli olur.

XQ qadın orqanizmində yalnız hamiləlik dövründə rast gəlinir. Hamiləliyin müxtəlif dövrlərində, eləcə də iki müxtəlif orqanda sintez olunur. Bu hamiləliyin birinci yarısında mayalanmış yumurta hüceyrədə, ikinci yarısında isə – trofoblastda. Orqanizmdə mayalanma baş verən andan etibarən yaranıb yüksəlməyə başlayır.
XQ-nin qanda səviyyəsi sıfır olur.Mayalanmadan yeddi gün sonra artıq 50 BV/l-ə yüksəlir.

Sidikdə və qanda XQ analizini təyin etmək olar. Sidikdə hormonun səviyyəsinin təyini çox da həssas deyil, amma hamiləliyin olub-olmamasını bilmək üçün kifayətdir.
Qanda XQ-nin səviyyəsini öyrənmək isə eyni zamanda hamiləliyin hansı dövrdə olduğu, həmçinin normal göstəriciləri də təqdim edir.

Müayinənin nəticələrini həkim dəqiq deməlidir.

Hamiləlik müddətinə görə XQ analiz göstəriciləri:

Birinci həftə 5,3-50 BV/l

İkinci həftə 50-500 BV/l

Üçüncü həftə 101-4870 BV/l

Dördüncü həftə 1110-31500 BV/l

Beşinci həftə 2560-82300 BV/l

Altıncı həftə 23100-151000 BV/l

Yeddinci həftə 27300-233000 BV/l

8-11-ci həftə 20900-291000 BV/l

12-16-cı həftə 6140-103000 BV/l

17-21-ci həftə 4720-80100 BV/l

22-39-cu həftə 2700-78100 BV/l

Qeyd edək ki, bəzi hallarda XQ səviyyəsi aşağı göstəricidə qalır. Bu isə normal hamiləlik üçün normal hesab edilmir.
XQ-nin səviyyəsini aşağı salan vəziyyətlər:

Hamiləlik müddətinin artması

Ölmüş döl

Dölün inkişafının zəif olması

Yalançı hamiləlik
Uşaqlıqdankənar hamiləlik

Bəzi vəziyyətlərdə isə XQ səviyyəsi yuxarı qalxır:

Diabet

Gecikmiş və ya erkən toksikoz

Çoxdöllü hamiləlik və s.