Hamiləlikdə ödəm

hamiləlikdə ödəm problemi yaşamaq, hamiləlik zamanı yaşanılan ən vacib çətinliklərindən biridir.

Doktorinfo.az xəbər verir ki, vücudda yaşanan şişlik olaraq adlandırılan ödəm, əslində vücudun su tutmasından qaynaqlanır. Xüsusilə əllər, ayaqlar, hətta üzdə yaşanılan şişkinlik bəzən o qədər çətin ola bilər ki, əlləri bağlamaqda, ayaqda durmaqda çətinlik yaşana bilər.

Hamiləykən daha çox su için

Hamilə bir qadının gündəlik su ehtiyacı, hamilə olmayanların su ehtiyacına görə daha artıqdır. Suyun hamiləlikdəki vəzifələrindən biri, uşaq böyüyərkən ona gərəkli dəstəyi təmin etmək və doğuşa hazırlamaqdır. Təbii çox su içildiyində alınan bu maye artığının bir qismi vücud tərəfindən içəridə tutulur və hamiləlik müddətində ananın aldığı çəkilərin bir qismi bu vücud tərəfindən tutulan maye artığıdır.

Hamilelikde odem nedir?

Hamiləlik müddətində qadınların damarlarında dolaşan qanın həcmi təxmini olaraq 100-də 50 miqdarında artır. Artan qan həcmiylə birlikdə damarlarda da bir miqdar genişləmə olur. Artıq mayenin bir qismi toxuma içərisində, hüceyrələrin arasında toplanır. Bu vəziyyətdə yaranan şişliklərə ödəm adı verilir. Bütün hamilələrin təxminən 90 faizində ödəm görülür.

Az duz deyil, yetəri qədər duz qəbul edin

Şişliklərin bir digər səbəbi də qidalanma vərdişləridir. Çox artıq şişlik problemi yaşayanların əhəmiyyətli qisminin yetəri qədər protein almadıqları müşahidə edilib. Gərəkli olan protein, ət və bənzəri qida maddələriylə alına biləcəyi kimi gündə ən az 1 lt süd ya da süd məhsullarını istifadə etməyiniz də yetərli ola bilər.

Bəzi mütəxəssislər artıq miqdarda duzun, su tutulmasına və şişliyə səbəb olduğunu düşünür, ancaq bunun əksi olduğu da doğrudur. Az duz qəbulu da ödəm yarada bilər.

Hamiləlikdə ödəmin qarşısı necə alınır?

Hamilləlikdə ödəm, hamiləlik müddəti dəyərləndirildiyində normal olaraq qarşılanmasına ehtiyac olan vəziyyətdir. Ödəm çəki artığı kimi görülməməlidir. Amma daha artıq ödəm olmasının qarşısını almaq üçün tədbirlər görülməlidir.

Ayaqlarınızı havaya qaldırın və dincəlin

Hamiləlikdə yorulmağınız və ayaqlarınızın şişməsi normal vəziyyətdir. Gün ərzində vaxt tapdıqca ayağınızı bir stulun üzərinə qoyaraq bir müddət havaya qaldırın. Ayaqlarınızı düz uzadaraq dincəldin və mümkünsə altına bir yastıq ya da yüksəkliyə qoymağı təmin edin.

Bol-bol uzanın, dincəlik, yatın

Hamiləlikdən sonra doğuşla birlikdə dincəlmə ya da yuxu xəyal olaraq qalacaq.

Maye qəbul edin

Su içmək, şişliyi artırmaz, tam əksinə azaldır. Gündə ən az 8-10 stəkan su içməyə diqqət göstərin.

Qısa gəzintilər edin

Hamiləlikdə çox görülən digər problemlər kimi şişliklər də mütəmadi idmanla məşğul olub gəzinti edənlərdə yüngül seyr edilir.

Yüngül və rahat geyimlər seçin

Vücudu sıxan və yapışan, hava aldırmayan hər növ geyimdən uzaq durun. Tərlətməyən parçaları seçin. Qat-qat amma yüngül geyinin. Rahat və topuqsuz ayaqqabı geyinin. Şişliklər varsa və narahat edirsə varis corabı geyməyiniz faydalı ola bilər.

Hamiləlikdə ödəm, əksər zaman zərərsiz bir vəziyyətdir hətta gözlənilən vəziyyətdir. Ancaq hamiləlikdə gizli şəkər ya da yüksək təzyiq əlaməti də ola bilər. Bu səbəbdən həkim müayinələrini zamanında edin.