Hamiləlikdə zob xəstəliyi

Hamiləlik uzun müddət, 9 ay davam edən məsuliyyətli dövrdür. Bu ərəfədə qadın orqanizmində bir çox dəyişikliklər baş verir. Buna səbəb isə hormonların dəyişməsidir. Eyni zamanda hamilə qadınlarda qalxanvari vəzinin funksiyasının artması və ya əksinə azalması müşahidə edilə bilər. Ailəsinde "zob" xəstəliyi, şəkər xəstəliyi olanlarda, hamiləlik zamanı qalxanvari vəzi xəstəliyinin yaranmasi riski yüksək olur.

Doktorinfo.az xəbər verir ki, hamiləlik zamanı qalxanvari vəz ikiqat gərginliklə işləyir.

Hamilələrdə qalxanvari vəzin intensiv işi onun təbii böyüməsinə gətirir. Bu, patologiya deyil. Lakin, bəzi hallarda hormonların həm yuxarı, həm də aşağı səviyyəsi müşahidə olunur.

Hamiləlik zamanı göstəricilər belə olmalıdır:

tireotrop hormon (TSH) – 0,4-2,0 BV/l (0,1-0,4 hamiləliyinbirinci yarısı, 0,4-2 ikinci yarısı);

tiroksin (T4) – 8-21 pmol/l;

triyodtironin (T3) – 2,6-5,7 pmol/l.

Hamiləlikdə nəzarət edilməyən tiroid vəzinin hamiləlikdə yarada biləcəyi fəsadlar:

anadangəlmə hipotireoz;

aşağı çəki ilə doğulma;

orqanlarda quruluş anomaliyaları.
infeksion xəstəliklərə müqavimətin azalması;

fiziki və psixoloji inkişafın ləngiməsi və s.

Hipertireoz zamanı da hamiləlik də bir sıra problemlər yarana bilər:

qəbizliyə meyllik;

həddən artıq yuxululuq və diqqətin yayınması;

bədən çəkisinin artması;

həddən artıq tərləmə;

emosional pozğunluqlar

Qalxanvari vəzin USM-i zamanı zob, kista və müxtəlif şişlər aşkarlana bilər. Dəqiq müayinə üsullarından biri – qanın hormonlara görə analizidir. Analiz aparılmazdan bilavasitə qabaq, qadın ən azı 30 dəqiqə fiziki və mənəvi sakitlik halında olmalıdır.

Qeyd edək ki, hamiləlik zamanı zob əleyhinə dərman preparatları istifadə edilə bilər. Bunun uşağa zərəri mövcud deyil. Əgər problem varsa və dərman qəbul edilməzsə problem təşkil edə bilər. Bu səbəbdən hamiləliyin ilkin dövründən bəri müayinələr, yoxlanışlar keçirilməlidir.