Aritmiya probleminin əlamətləri və müalicəsi

Ürək problemi olanlar, bəzən də sağlam insanlar bu problemdən əziyyət çəkirlər. Sürətli, yavaş ya da nizamsız ürək döyüntüləri ilə özünü biruzə verir.
Aritmiya və ya ritm pozuntuları ürək döyüntülərinin anormal hala gəlməsidir. Ritm pozuntusu zamanı ürək çox sürətli və ya çox yavaş döyünə bilər. Əksər zaman zərərsiz olsa da, bəzən həyati təhlükə yaradacaq vəziyyətə gəlir.

Bu zaman ürək vücuda kifayət edəcək qanı göndərə bilmir və şəxsdə nəfəs darlığı, ürəkgetmə, ani ölüm meydana gələ bilər. Müalicə edilə bilən xəstəlikdir.

Taxikardiya nədir?

Ən çox qarşılaşılan ritm pozğunluğudur. Qəlbin dəqiqədə 100-ün üzərində döyünməsidir. Ürəyin sürətli çalışdığı zamanlarda ürəkgetmə, təzyiqin düşməsi, nəfəs darlığı kimi əlamətlər meydana çıxır. Bu zaman MR və EKQ kimi üsullarla ürək yoxlanılır.

Belə xəstələrin problemi ürək döyüntüsü adətən qısamüddətli olur. Daha sonra isə normal hala geri dönürlər.

Ventriküler taxikardiya – Ürəyin içində yer alan ventrikül nahiyədə nəbzin sürətli döyünməsidir. Ventrikül, qanın bütün vücudda dövranını təmin edən əsas pompalardır. Sağlam şəxsin ürəyi dəqiqədə 60 ilə 100 arası döyünür. Bu vəziyyətdə isə dəqiqə üzrə göstərici 200-250 olur. Bu isə ciddi sağlamlıq problemlərinə yol aça bilər.
Supraventrikulyar taxikardiya – Uşaqlıq dövründə ən çox rast gəlinən növlərdən biridir. Adətən uşaqlıqda halsızlıq, ana südü yeyə bilməmək kimi əlamətlərlə özünü göstərir. Ürək döyüntüləri normal olur. Ancaq bu uşaqda təsdiqlənərsə mütləq şəkildə çox zaman keçmədən müalicəyə başlanılmalıdır.
Normal nəbz neçə olmalıdır?

Bu insandan-insana dəyişir. Ancaq adətən normal nəbz 60 ilə 100 aralığında atarsa qəbul olunur.

Aritmiyanın səbəbləri nələrdir?

Adətən ürək xəstəliyi olan şəxslərdə daha çox görülsə də bəzən ürəyindən hansısa şikayəti olmayanlarda da yarana bilər. Bu zaman ilk olaraq bunun səbəbi araşdırılır. Çünki bəzən aritmiyalar ürək səbəbli deyil başqa xəstəlik səbəbilə bu göstəricini təqdim edər. Məsələn, anemiya, tiroidin az və ya çox çalışması, bəzi hormonal xəstəliklər və s.

Əlamətləri nələrdir?

Sürətli döyüntü

Nizamsız ürək döyüntüləri

Ürəyin duracaq kimi olması

Baş gicəllənməsi

Nəfəs darlığı və s.
Ürək döyüntüsünün sürətli olduğu anlarda ürəkgetmə və baş gicəllənməsi kimi şikayətlərlə yanaşı sinə ağrısı da yaranarsa bu vəziyyətin ciddi olduğuna işarət edir.

Diaqnoz necə qoyulur?

Vəziyyətə uyğun olaraq eletrokardiorqamma üsulu, holter müayinəsi, exokardioqrafiya metodu ilə təsdiq və ya inkar edilir.

Eletrokardiorqamma üsulu zamanı əgər aritmiya mövcud olarsa aktual olur.

Əgər yoxdursa bu zaman holter müayinəsindən istifadə edilir. Sizə cihaz bağlanır və 24 saat ərzində ürək ritminizi qeydə alır. Daha sonra həkim araşdıraraq mövcud problem barədə məlumat verir.

Exokardioqrafiya isə ürəyi USM-dir desək yanılmarıq. Ürəyin vəziyyəti araşdırılır.

Müalicəsində isə dərmanlar təyin edilir. Ehtiyac duyularsa cərrahi üsuldan istifadə edilə bilər.
Əgər ürək döyüntünüzdə nizamsızlıq hiss edirsinizsə kardioloqa müraciət etməlisiniz. Çünki erkən diaqnoz hər zaman can xilas edir.