Skolioz nədir?

Skolioz onurğa sütununda yaranan əyilmədir.

Doktorinfo.az xəbər verir ki, uşaqlarda qamət pozğunluğu adətən boy artımı zamanı yaranır. Bu zaman digər orqanlarda da dəyişikliklər baş verir. Daha sonra isə orqanların funksional pozğunluğu yaranır.

Uşaqlarda daha çox skolioza rast gəlinir. Bəzən həkimə aparıldıqda isə əyilmənin miqdarı çox olur.

Skoliozun bir nece novu movcuddur.

Skoliozun elametleri nelerdir?

Kürək sümüklərinin asimmetriyası

Qamət pozğunluğu

Hündürlük fərqləri

Tənginəfəslik

Hərəkət çətinliyi

Yorğunluq

Bədən quruluşunda yaranan deformasiya

Digər orqanların zədələnməsi və s.

Skoliozun sebebleri nelerdir?

Poliomielit
Onurğa beyininin zədələnməsi

Maddələr mübadiləsinin pozulması

Doğuş travmaları

Ağır yük qaldırma

Yanlış fiziki hərəkətlər

Yanlış əyilmə və s.

Skoliozun müalicəsi dərəcəsinə uyğun olaraq təyin edilir.

Skoliozun müalicəsi

Bu, konservativ və cərrahi yolla mümkündür. Cərrahi üsul ən son seçimdir və bunun olmaması üçün zamanında düzgün diaqnoz qoyulmalı və erkən müalicəyə başlanılmalıdır.

20 dərəcənin altında və sümükləşmə inkişafi tamamlanmaya yaxın xəstələrdə sadəcə müşahidə, idmanlar və müəyyən aralıqlarla nəzarət yetərlidir. Əgər pasiyentdə skolioz yüngül dərəcəlidirsə bu zaman gənc pasiyentlər 6-12 ay fasilələrlə yoxlanılmalıdır. Daha şiddətli olanlar isə 3-4 ayda bir dəyərləndirilməlidir.

Bundan əlavə skoliozun korsetlə müalicəsi mümkündür.

Burada məqsəd əyriliyin artmasının qarşısının alınmasıdır. 25 dərəcənin üstündə olduğu ve böyümənin davam etdiyi uşaqlarda faydalıdır.

Skolioz zamanı müntəzəm idmanla məşğul olmaq əhəmiyyətlidir. Sadəcə idman ilə isə skoliozun qarşısını almaq mümkün deyildir. İdmanla yanaşı fizioterapiyanın da skolizda əhəmiyyəti və faydası böyükdür.

Cərrahi seçim nə zaman edilir?

Əgər əyrilik 50 dərəcənin üzərindədirsə və uşaq hələ də büyüyürsə əksər hallarda skoliozlar cərrahi əməliyyat olunur.

Qeyd edək ki, bəzi erkən başlanğıclı və andangəlmə skoliozlarda əyrilik 50 dərəcəyə gəlmədən öncə də cərrahi müalicə tətbiq olunmaqdadır.