Artıq duz istifadəsinin vücuddakı əlamətləri

Bəzi insanlar duzsuz süfrəyə oturmur. Ancaq duzun yeməyə qatdığı ləzzət qədər zərəri də bir o qədərdir. Bu, ən az şəkər qədər zərərlidir.

Doktorinfo.az xəbər verir ki, mütəxəssislər, insan vücudunun gündəlik duz ehtiyacının 6 qram olduğunu vurğulayırlar.

Normadan çox duzlu qidaları yeyirsinizsə bu özünü vücudda göstərir.

Orqanizminiz üçün zərərli olduğunu bu elametlerden anlaya bilərsiniz.

Bəs bu əlamətlər hansılardır?

Ayaqlarınız, əlləriniz şişirsə

Ayaqlarınız durduq yerdə şişirsə ya da səhər qalxdığınız zaman gözləriniz şiş formasında oyanırsınızsa bunun səbəblərindən biri çox duz qəbul etməyinizdir. Bunun səbəbi həddindən çox duz qəbulunun nəticəsi olaraq vücudun artıq su tutmasıdır.

Özünüzü mütəmadi susamış hiss edirsinizsə...

Duzda mövcud olan sodium vücudunuzun maye tarazlığını təmin edilməsinə kömək olur. Bu səbəbdən artıq duz istifadə etdiyiniz zaman əzələlərinizin və digər orqanlarınızın düzgün çalışması üçün vücudunuz daha artıq suya ehtiyac duyar. Vücud sodium su tarazlığını temin etməyə çalışan zaman siz də daha çox su istəyəcəksiniz. Normaldan artıq su istemeyiniz də duz istifadəsinə diqqət etməyiniz gərəkdiyini göstərir.
Artıq duz istifadəsi zamanı vücud bu artıqlığı vücuddan atmaq üçün böyrəklərə artıq iş yükləyir. Bu səbəbdən daha çox tualetə çıxma ehtiyacı hiss edə bilərsiniz. Həmçinin sodium artıqlığı nəticəsində maye itkisi dehidrasyona yol açar və vücudda önəmli dərəcədə maye itkisi olması nəticəsində sidik tünd sarı rəng ala bilər.

Sümükləriniz ağrıyırsa...

Süfrə duzunu çox istifadə edirsinizsə böyrəkləriniz onu tamamilə vücuddan ata bilməyəcək, bu da kalsium itkisinə səbəb olacaqdır. Kalsium əksikliyi də sizə gücsüz sümüklər, diş problemləri və hətta uzun zamanda sümük əriməsi kimi narahatçılıqlar olaraq dönəcəkdir.
Əzələ ağrılarınız varsa...

Əzələ ağrılarının olmaması üçün sodium və potassium tarazlığı sağlamlığınız üçün olduqca vacibdir. Əgər artiq duzlu qida istifadə edərək bu tarazlığı pozacaqsınızsa əzələlərinizdə sancılar, gərilmələr və ağrılarla qarşılaşa bilərsiniz.

Mütəmadi başınız ağrıyırsa...
Həddindən çox sodium istifadəsi qanın həcmini artırır və bu da damarların genişlənməsinə səbəb olur. Bu səbəbdən təzyiqiniz yüksələ bilər və bu da keçmək bilməyən şiddətli baş ağrılarını artıra bilər.

Diqqət əksikliyi probleminiz varsa...

Artıq duz istifadəsi ilə ortaya çıxan yüksək tezyiq beyninizə gedən arteriyalara zərər verə bilər. Bunun nəticəsində problemlər yaşaya bilər, gün ərzində işlərinizə fikrinizi verməkdə çətinlik çəkə bilərsiniz. Eyni zamanda dehidrasyon da yaddaşın zəifləməsinə, şəxsin özünü yorğun hiss etməsinə və reaksiya vermə müddətinin uzamasına yol aça bilər.