Pəhriz zamanı nələri səhv edirik?

Arıqlamaq bir çox xanımın arzusudur. Bu baxımdan bir çox pəhriz növlərinə əməl edilir.

Bəs hansı yanlışlar düzgün formada arıqlamağın qarşısını alır?

Pəhriz zamanı nələrə diqqət edilməlidir?

Çox aşağı kalorili qidalanmayın

Çəki atmağınızın ən asan açıqlaması riyazi hesabdır. Əritdiyiniz kaloridən daha az kalori qəbul etsəniz çəki itirərsiniz. Bəziləri isə çox aşağı kalorili qidalanır ki, nəticədə çox çəki itirsin. Ancaq bu zaman immunitet sistemi zəifləyir, tükənmişlik yaranır. Bu isə uzunmüddət davam edərsə çəki getsə də yerini problemlərə verir.
Həll olaraq özünüzü ac buraxmaq yerinə, düzgün qidalanmağı seçərək çəkinizi nəzarət altında saxlaya bilərsiniz. Ən əsası isə fiziki hərəkətlərin sayını artırın. Ac qalıb gücsüzləşmək əvəzinə idmanla məşğul olun və doğru qaydada artıq çəkidən xilas olun.

Yağlı yeməklərə tamamilə qadağa qoymayın

Bir çox insan pəhriz zamanı yağsız yeməyə üstünlük verir. Yağlı yeməklərin arıqlamağın qarşısını aldığı zənn edilir. Əslində vücudun çəki verməsi üçün sağlam, keyfiyyətli yağlara ehtiyacı vardır. Bu səbəbdən yağı qida rasionundan tamamilə çıxarmaq yersizdir. Əgər istifadə edilməsə tərkibindəki A, D, E, K vitaminlərini qəbul edə bilməzsiniz.
Arıqlamaq istəyənlər sağlamlığına diqqət göstərməlidirlər. Qısa müddətdə verilən çəkilər doğru arıqlamaq növü deyil. Keyfiyyətli yağ dedikdə zeytun yağı, badam, fındıq, avokada yağı hesab edilir.
Gecə gec saatlarında yemək yeməyin

Gecə yemək yeyib dərhal yatmaq artıq çəki qazandırır. Bu həmçinin digər sağlamlıq problemlərinə yol aça bilər. Mədə problemi və ya reflüksdən əziyyət çəkə bilərsiniz. Gecə yatmazdan 2-3 saat öncə axşam yeməyinizi bitirməyə çalışın.

Daha çox idmanla məşğul olun

Daima hərəkətdə olun. Gündəlik görəcəyiniz işlərlə idman hərəkətlərinin fərqli olduğunu unutmayın. Daim idmanla məşğul olmaq, hərəkətdə olmaq vücuddakı yağların toplanmasının qarşısını alacaqdır.

Pəhrizinizdə yaşıllıqlara üstünlük verin

Yaşıl tərəvəzlər lif, vitamin, mineral qaynağıdır. Lif, özünüzü daha tox hiss etməyinizə kömək edəcək. Tərkibində olan vitamin və minerallar immunitet sistemini gücləndirərək maddələr mübadiləsinin daha sürətli çalışmasına kömək edəcəkdir.

Çox maye qəbul edin

İnsan sağlamlığı üçün suyun faydalarından xəbərdarsınız. Həmçinin artıq çəkidən azad olmaq üçün də çoxlu maye qəbul etməlisiniz. Əgər kifayət qədər maye qəbul etməsəniz böyrək funksiyasını yerinə yetirə bilməz və qaraciyərə artıq yük düşər. Çəki itirmək üçün maddələr mübadiləsi sürətlə işləməlidir. Gün ərzində 2 litr maye qəbul etməlisiniz.

Daha tez yatın

Arıqlamaq istəyirsinizsə yuxunuza diqqət göstərməlisiniz. Yuxunu kifayət qədər almadığınız zaman vücud özünüzü yorğun hiss edər. Az yatmaq yağ əridilməsini zəiflədir.

Səhərlər yumurta yeyin

Yumurta protein qaynağıdır. Vücud yumurtadakı bir proteindən 100% faydalanır. Tox tutur, enerji qazandırır. Buna görə də gün ərzində az yesəniz də özünüzü rahat hiss edəcəksiniz.

Qəhvə için
Qəhvə maddələr mübadiləsinin sürətini artıraraq daha çox yağ əridilməsinə kömək edir.
Qəhvənin təkibində kafein mövcuddur. Bu isə adrenalin hormonu səviyyəsini artırır. Adrenalin qandan yağ hüceyrələrinə ötürülür.

Yaşıl çay için

Antioksidant qaynağıdır. Sağlamlıq üçün olduqca faydalıdır. Maddələr mübadiləsini sürətləndirir. Kökəlməyin qarşısını alır. Bunun üçün gündə bir stəkan yaşıl çay içməyiniz tövsiyə edilir.
Bundan əlavə gün ərzində liflə, proteinlə zəngin qidalardan istifadə edin.

Arıqlama üçün əsas şərt şəkər və duzdan uzaq durmağınızdır. Duz orqanizmdə kristallaşma yaradır ki, bu da artıq çəki ilə nəticələnir. Şəkər isə orqanizm üçün faydalı olmadığından gərəksiz çəki qazandırır.

Meyvə və tərəvəzin şirəsini deyil özünü yeyin. Əks halda orqanizmə şəkər daha çox daxil olacaq. Vitamin isə onun qabıq hissəsindədir.
Düzgün arıqlamağın yolu düzgün qidadan keçir.