Kinkanın faydaları

Kinkan və ya "Yapon portağalı" adlandırılan meyvə quruluşca oval, kiçik, narıncı rəngdə olan meyvədir. Daha çox isti yerlərdə yetişir. Soyuğa dayanıqlıdır. Yüngül turş dadı var. Tərkibində yüksək miqdarda su, C vitamini və lif xüsusiyyəti mövcuddur. Qabığı ilə birlikdə yeyilməlidir.

Faydaları nələrdir?

Antioksidant xüsusiyyəti ilə bağırsaqların fəaliyyət üçün əvəzsizdir. İmmuniteti gücləndirir.

Ürək sağlamlığını qoruyur və gücləndirir – Yüksək miqdarda C vitamini, lif və antioksidant xüsusiyyəti ilə damarlarda görülə biləcək yağ toplanmasını azaldır. Ürək çatışmazlığı, insult, yüksək təzyiq kimi narahatçılıqların görülmə riskini azaldır.

İmmunitet sistemini gücləndirir – Müxtəlif infeksiyalar və xəstəliklərlə mübarizə aparır.

Həzm sistemini dəstəkləyir – Lif baxımından zəngin olduğu üçün şişkinlik, mədə ağrıları, qəbizlik kimi problemlərin azaldılmasında effektlidir.

Göz sağlamlığına faydalıdır – Tərkibindəki A vitamini xüsusiyyəti ilə toksin maddələrin vücudda toplanmasının qarşısını alır. Katarakta riskini azaldır.

Sümükləri gücləndirir – Tərkibində C vitamini və kalsium vardır. Bu səbəbdən sümüklər üçün çox faydalıdır. Asit tərkibli qidaların, sümüklərin tərkibində olan kalsium miqdarını azaldaraq sümük sağlamlığına zərər verən risklərini aradan qaldırır. Sümük əriməsi problemi zamanı da effektli təsirə malikdir.

Əks təsirləri nələrdir?
Həddindən çox istifadə edilərsə bir sıra əks problemlərə yol aça bilər. Tərkibindəki lif xüsusiyyəti ilə çox istifadə edildiyi təqdirdə həzm sistemi problemi, şişkinlik, qaz yarada bilər. Bu səbəbdən həddindən çox istifadə doğru hesab edilmir. Həmçinin allergiyadan əziyyət çəkən insanlar ehtiyyatlı olmalıdırlar. Çünki çox yeyilən zaman allergik təsir verə bilər.
Kinkanın 100 qramında mövcud olan qida dəyərlərini təqdim edirik:

Kalori: 70

Karbonhidrat: 16 qram

Protein: 2 qram

Yağ: 1 qram

Lif: 7 qram

A vitamini: Gündəlik ehtiyacın 16%
C vitamini: 44 Mg

Kalsium: 62 Mg

Maqnezium: 20 Mg

Mütəmadi istifadə edildiyi zaman diş çürümələrinə, qan şəkərinin düşməsinə, dəri hüceyrələrinə, həzm və immunitet sisteminə effektli təsir göstərir.
Bol su ilə yuyularaq qabıqlı yeyilməlidir.

Bununla yanaşı A, C, E, B qrup vitaminlərlə, kalium, kalsium, fosfor, sink, dəmirlə də olduqca zəngin tərkibə malikdir.