Dişlərinizi fırçalamazdan əvvəl bunlara DİQQƏT EDİN

Diş sağlamlığı çox vacibdir. Dişlərinizin sağlamlığı, hamam lavabosunun qarşısında dayandığınız zaman fırçanıza lazımi miqdarda diş məcunu sürtməkdən tutmuş, düzgün fırçalama texnikasına sahib olmanıza qədər ən kiçik detallardan asılıdır.
Milli.Az lent.az-a istinadən bildirir ki, diş həkimləri bu gündəlik ağız gigiyenası ritualına ayrılan vaxt, yemək və içkinin də nəzərə alınmasının vacib olduğunu xəbərdar edir. 
Bildirilir ki, diş fırçalamadan əvvəl turşulu qidalar və ya içkilər qəbul edilibsə, ən azı 30 dəqiqə gözlənilməlidir. Bunun səbəbi, turşu maddələrin diş minasını yumşalda bilməsi və fırçalama zamanı zədələnməyə daha həssas olmasıdır.
Ağız gigiyenasından əvvəl konfet, şokolad və digər şirin qidalardan uzaq durmaq da tövsiyə olunur. Dişlərinizi fırçaladıqdan sonra qəhvə və ya çay içmək də daha yaxşıdır. Siqaret çəkmək və ya tütün məmulatlarından istifadə ümumiyyətlə arzuolunmazdır. Çünki bu iki vərdiş dişlərinizi ləkələyə, diş əti xəstəliyi və ağız xərçəngi riskinizi artıra bilər.
Diş həkimi əlavə edib ki, ağız boşluğunun gigiyenasını qorumaq üçün gündə iki dəfə floridli diş pastası və yumşaq tüklü diş fırçası ilə dişlərinizi fırçalamaq məsləhətdir.
Milli.Az