Vinir dişlər

Bəzən dişlərin təbii rəngi sarı və ya qaraya meyilli olur. Müasir estetikada istənilməyən görüntülərin həlli mümkündür.

Stomatologiyada vinirlər nə üçün istifadə edilir?

Doktorinfo.az xəbər verir ki, vinir, zədələnmiş dişlərin ön səthinə yapışdırılan lövhəciklərdir. Bunlar bərk, parlaq olur. Rəngi pasiyentin istəyinə uyğun tənzimlənir. Vinirlər qapaq dişlərdən daha az dişlərə zədə verir. Belə ki, dişlərə vinir qoymaq üçün elə də yonmağa ehtiyac yoxdur. Vinirlərlə əyri olan dişlər, nahamarlıqlar, mina üzərində olan lləkələr örtülür.
Vinirlər xarici görünüşünə, rəngi və teksturasına görə ağ, sağlam minadan heç nə ilə fərqlənmir.
Vinirlərin bir neçə növü mövcuddur və müasir stomatologiyada hər növdən geniş formada istifadə edilir.
Onlar bir-birilərindən materialına, tətbiq nahiyəsinə, istifadə müddətinə, qiymətinə görə fərqlənir.

Bes hansi vinir novleri vardir?
Kompozit vinirlər – Daha ucuz hesab edilir. Ancaq bu növ vinirlərin ömrü nisbətən az olur. İstifadə müddəti 6 ilə yaxın olur. Kompozit vinirlər kifayət qədər möhkəm olmasına baxmayaraq, digər vinir növləri ilə müqayisədə mexaniki təsirlərə daha həssasdır. Korreksiyaya ehtiyac olacaqdır. Onların rəngi tədricən az da olsa dəyişməyə meyillidr.

Keramik vinir - Möhkəm olurlar və keramikadan hazırlanırlar. İşiqkeçirmə qabiliyyətinə malikdirlər. Keramik vinirlərin qalınlığı 0.55 mm-dən artıq deyil. Buna baxmayaraq, onları tətbiq etmək üçün dişin səthi yonulmalıdır. Ömürləri uzundurlar

Qeyd etmək lazımdır ki, vinirlər yalnız sağlam dişlərin səthinə tətbiq olunur.