Uşağın immunitetini necə gücləndirmək olar?

Uşağın sağlam həyatı üçün xəstəliklərə qarşı immunitet sisteminin güclü olması vacibdir.
İlk olaraq immunitet sisteminə təsir edən qida maddələrinin əksikliyində nələr baş verdiyini bilməliyik.

A vitamini – Antioksidantların və lenfositlərin qorunmasını təmin edir. Yağ asitlərini qoruyur.

Əksikliyində isə dəri quruyur, saçlar zəifləyir, tökülür. Tez-tez infeksiyaya yoluxmaq halları artır.

B vitamini – Antikor istehsalını artırır. Əksikliyində vücud enerjisi azalır, yorğunluq gətirir. Sinir sistemi pozğunluğu meydana gəlir.

C vitamin qrupu – Antibakterial, antiallergik, antioksidant xüsusiyyətlərə malikdir. Orqanizmdə mikrobları öldürən hüceyrələri inkişaf etdirir.

Əksikliyi zamanı təkrarlayan infeksiyalar görülür, allergik problemlər yaranır. Diş ətində qanaxmalar meydana gəlir. Yaranan yaralar gec sağalır.

E vitamini – Antioksidant yardır. Timus vəzini inkişaf etdirir. Dərini qoruyur. Əksikliyi zamanı dəri quruyur, dəri adi zərbələr nəticəsində göyərir, yaralar gec sağalır.
Kalsium – Sümüklər üzərində effektlidir. Mikrobları öldürən hüceyrələri inkişaf etdirir. Əksikliyi zamanı qəbizlik, halsızlıq, allergiya, sümük ağrıları yaranır.

Dəmir – Antikor, leykosit istehsal edir. Əksikliyində halsızlıq, iştahsızlıq, zehni funksiya pozğunluğu, qansızlıq yaranır.

Selenium – E vitamini ilə birlikdə çalışır. Xərçəng xəstəliyi üzərində qoruyucudur. Əksikliyində xərçəng xəstəliyinin yayılmasını asanlaşdırır. Tez-tez infeksiya görülə bilər.

Uşaqların immunitet sistemi necə güclənir?

İlk olaraq ana südü vacibdir. İmkan varsa 2 yaşına qədər ana südünü verməyiniz tövsiyə edilir.
Qırmızı ət, toyuq, qatıq kimi qidalar sink cəhətdən çox zəngindir. Həmçinin qatıq bağırsaq florasını tənzimləyir. Bağırsaq sisteminə ən çox təsir edən faktorlardan biri bağırsaqların normal fəaliyyət göstərməməsidir.

C və A vitamini antibakterial, antiviral xüsusiyyətləri daşıyır və bu sayədə immunitet sistemini gücləndirir. Bu səbəbdən uşağınıza qırmızı rəngli, narıncı meyvələri bol-bol yedizdirməyə çalışın. Ancaq verməzdən öncə allergiyanın olub-olmamasını dəqiqləşdirin.

Avokado – C, A, E vitaminləri cəhətdən zəngindir. Tərkibindəki yağlar digər meyvələrdə yoxdur. Bu səbəbdən uşağın immuniteti üçün dilim olaraq kəsib yedizdirə bilərsiniz.

Soğan və sarımsaq immunitet sistemi üzərində çox təsirlidir. Bu səbəbdən uşağa 1 yaşından sonra verə bilərsiniz.

Kök, manqo kimi tünd rəngli meyvələr də beta karoten cəhətdən zəngin olduğu üçün sistemli formada verməyiniz tövsiyə edilir.

Uşaq yemək yeyərkən ona su və ya ayran verin. Meyvə suları və şəkərli içkilər həm iştahı bağlayır həm də qidaların dəyərini öldürür. Əgər meyvə suları vermək istəyirsinizsə evdə sıxılmış təzə şirələri seçin.

Bundan başqa övladınıza süd verin. Ancaq bunu yemək arası deyil. Yemək bitdikdən sonra verə bilərsiniz. Əks halda süd həm uşağa doyumluluq hissi verir, həm də yeməklə birlikdə qəbul edildiyi zaman proteinləri öldürür və immunitet sisteminə təsir etməsinin qarşısını alır.

B vitaminini təmin etmək üçün uşağa bol-bol təbii yumurta, badam kimi ləpələr verməlisiniz.

Həmçinin enerji yaratması, viruslarla mübarizəsi üçün bal, bəhməzlərdən istifadə edin.