Meyvə və tərəvəzlər qabıqlı ya soyularaq yeyilməlidir?

Meyvə və tərəvəzlərin qabıqlı yoxsa qabıqsız yeyilməsi hər zaman müzakirə mövzusu olub. Əslində bu vəziyyət meyvə və tərəvəzin növünə görə dəyişiklik göstərə bilir.
Qabıqların qida dəyəri yüksəkdir. Tərkibi isə meyvə və tərəvəzlərin növünə görə dəyişir. Soyulmamış qidaların vitamin dəyəri soyulmuşlarla müqayisədə çoxdur. Əslində qabıqlı almada, soyulmuş almaya görə 332% daha çox K vitamini, 142% daha çox A vitamini, 115% çox C vitamini, 20% çox kalsium mövcuddur. Bu nisbət bir çox meyvə və tərəvəzlərə aiddir.

Qabıq daha uzunmüddət tox hiss etməyinizə kömək edir

Meyvə və tərəvəz qabıqları aclığı azaldır, daha uzunmüddət tox hiss etməyinizə kömək edir.

Tərkibindəki lif həmçinin bağırsaqlarınızda yaşayan dost bakteriyalar üçün faydalıdır. Bu bakteriyalar liflə qidalandıqları üçün qısa zəncirli yağ asitləri istehsal edir və bu da toxluq hissini daha da artırır. Pəhriz saxlayanlar da rahatlıqla soyulmamış meyvə və tərəvəzləri istifadə edə bilərlər.

Tərkiblərində bir çox xəstəliklərin qarşısını alan antioksidant mövcuddur. Antioksidantların əsas vəzifəsi sərbəst radikallar adı verilən qərarsız molekullarla mübarizə aparmaqdır. Sərbəst radikallar oksidatif stresə səbəb ola bilir və nəticədə hüceyrələrə zərər verə bilər. Potansial olaraq xəstəlik riskini artıra bilər. Meyvə və tərəvəzlərdə mövcud olan antioksidantlar Altsheymer kimi nevroloji xəstəliklərin riskini minimuma endirir. Aparılan araşdırmalara görə, qabıqlarda antioksidantlar daha çoxdur.

Bəzi meyvə və tərəvəz qabıqlarının istifadəsi çətin olub, hətta yeyilməyə bilər. Məsələn, avokado və şirin qovun qabıqlarının bişmiş, çiy olaraq istifadəsi çətindir.
Ananas, qovun, soğan kimi meyvə və tərəvəz qabıqlarının çeynənilib yeyilməsi çətindir. Çünki onlar sərt qabığa sahibdir. Bu qabıların adətən çıxarılması və yeyilməməsi ən yaxşı seçimdir.

Hansı qabıqları yemək güvənlidir?
Bəzi qabıqları yemək güvənli olsa da bəziləri yemək tövsiyə edilmir.

Soyulması gərəkənləri təqdim edirik:

Avokado

Qreyfurt

Limon

Portağal

Sarımsaq

Qovun

Soğan

Ananas və s.

Yeyilə bilən qabıqlar:

Alma

Ərik

Banan

Kök

Gilaslar

Kök

Kivi

Üzüm

Badımcan
Göbələk

Xiyar

Bibər

Şaftalı

Kartof