Maqneziumun qəbulu nə üçün vacibdir?

Maqnezium, vücudun normal fəaliyyəti üçün olduqca vacib mineraldır. Vücut bu mineralı özü istehsal edə bilmədiyi üçün qidalar və ehtiyac olduqda əlavələr formasında qəbul edilməlidir. Enerjinin yaranması, qan təzyiqinin tənimlənməsi, əzələ gərginliyinin baş verməməsi və s. kimi insan sağlamlığı üçün gərəkli olan 300-dən çox funksiyanı yerinə yetirir. İnsan vücudunun 60% sümük və dişlərdə, 39% yumşaq toxumalarda, qalan 1% isə qanda mövcuddur. Qan təzyiqinin normal səviyyədə qalmasına, sümüklərin güclü olmasına və ürək ritminin sabit qalmasına kömək edir. Tövsiyə edilən miqdar qəbul olunmadığı zaman iltihablanmanın yaranma riski yüksəlir.

4 yaş və daha artıq şəxslərin gündəlik 375 mg maqnezium qəbul etməsi gərəklidir. Əksikliyi halında həkimlər daha yüksək miqdarlar təyin edə bilərlər.

Faydaları nələrdir?

Beyinə təsir edən ən təsirli vitamin maqneziumdur.

Xoşbəxtlik hormonunun nizamlanması üçün bu element vacibdir.

Maqnezium vücudunuzda kifayət miqdarsa varsa, depressiyanın yaranma riski bir o qədər aşağıdır.

Vücudda yorğunluğun və tükənmişliyin azalmasına təsir göstərir.

Diş sağlamlığı üçün vacibdir.

Hüceyrələrin bölünməsində vacib vəzifələrə sahibdir.

Əzələ funksiyalarının, enerji yaranmasının həyata keçməsinə kömək edir.

Hüceyrələri alminium, nikel, civə kimi zərərli elementlərdən qoruyur.

Vücudda kalsium və potasiumun funksiyalarını artırır.

Maqnezium əksikliyi nə zaman yaranır?
Maqnezium yeyilən qidaların tərkibində az və ya çox olur. Uzunmüddət bişirilən tərəvəzlərdə maqnezium miqdarı olduqca azdır.

Çox tərləyən ya da bəzi dərmanları istifadə edən insanlarda maqneziumun istifadəsi daha sürətlənir. Stress və hamiləlik kimi hallarda vücudun ehtiyac duyduğu maqzenium miqdarı daha çoxdur. Vücud ətrafdan gərəkli maqnezium miqdarını qəbul etmədiyi zaman sümüklərdə güc zəifləməyə və tükənməyə başlayır.

Maqnezium əksikliyinə səbəb olan faktorlar:

Şəkər xəstəliyi

Siqaretdən istifadə

Böyrək, qaraciyər xəstəlikləri

Yanlış qidalanma

Stresli həyat

Antibiotiklərin qəbulu

Spirtli içkilərin həddindən çox istifadəsi

Çölyak xəstəliyi və s.

Maqnezium əksikliyinin əlamətləri nələrdir?

İştahsızlıq

Bulantı

Qusma

Qəbizlik

Halsızlıq

Saç tökülməsi

Əzələ sancıları

Yorğunluq və s.

Əksikliyinin müalicəsi zamanı maqnezium dərmanları və həmin tərkibli multivitaminlər təyin edilir. Əksikliyinin daha da yüksək olduğu zamanlarda damar yolu ilə verilmə təmin edilir.

Maqnezium əksikliyi hansı xəstəliklərə yol aça bilir?

Tip 2 diabet

Sümük əriməsi

Ürək problemləri

Yüksək təzyiq

Tənəffüs problemləri

Miqren simptomlarının artması

Depressiya

Maqnezium miqdarı nə qədər qəbul edilməlidir?

Ümumdünya Səhiyyə Təşkilatının araşdırmalarına görə, sağlam şəxs gündə 280-350 mg(420 mg-ə qədər mümkün ola bilər) maqnezium qəbul etməlidir. Bu mineralı dərmanlardan alan şəxslər isə diqqətli olmalıdır. Çünki miqdarı nəzarətsiz içilən dərmanlar bədəndə zəhərlənmə yarada bilər.

Təbii maqnezium qaynaqları nələrdir?

İspanaq, fındıq, qoz, ərik qurusu, badam, qarpız, badımcan, xurma, lobya, süd, qatıq, banan, avokado, dil balığı, tünd şokolad təbii maqnezium qidaları arasındadır. Ancaq qida ilə təmin edilməyən maqnezium, dərman əlavələri ilə qəbul edilə bilər.

İçilən maqnezium əlavələri mədə bulantısına, qıcolmalara, ishala səbəb ola bilər.

Maqnezium əlavələri digər dərmanlarla birlikdə qəbul edildiyi zaman diqqətlə yanaşmaq lazımdır. Öncə həkimlə danışmaq tövsiyə edilir. Çünki dərmanlar bir-birlərinə təsir göstərir və bununla da vücudda dəyişikliklər baş verə bilər.

Şəkər, bağırsaq, ürək problemləri, böyrək xəstəliyindən əziyyət çəkənlərin həkimlə məsləhətləşmədən maqnezium qəbulları tövsiyə edilmir.

Maqnezium miqdarı normadan artıq qəbul edildiyi zaman hansı əks təsirlər yarana bilər?

Mədə bulantısı, ishal, aşağı təzyiq, əzələ zəifliyi baş verə bilər. Çox yüksək miqdarda maqneziumun qəbulu ölümcül təsirə səbəb ola bilər.