Kökəlmək üçün nə etməlisiniz?

Müasir zamanda arıqlamaq kimi düzgün şəkildə kökəlmək də problemə çevrilib. Çəki almamağın fiziki və psixoloji səbəbləri ola bilər.

Sağlam formada çəki almaq necə mümkündür?

Bəzi insanlar üçün çəki artırmaq problemdir. İstər köklük, istərsə də arıqlıq sağlam olmayan vücud formasıdır. Zəif insanlar normal ağırlıqda olanlarla müqayisədə daha yorğun, iştahsız olurlar.

Bəzi insanların çox arıq olmağının səbəbləri nələrdir?

Düzgüz qidalanmamaq və ya az qidalanmaq

Diabet xəstəliyi

Stresli həyat tərzi
Boş kalori zərərlidir

Kökəlmək üçün vücudun əritdiyindən daha çox kalori almaq lazımdır. Çoxlu kaloriləri almağın ən asan yolu yüksək enerjili qidaları istifadə etməkdir. Ancaq bu qidalar sağlamlıq üçün faydalı olmalıdır. Qazlı içkilər, hazır paket qidalar, xəmir məhsulları sağlamlığa zərərlidir və düzgün formada kökəltməz. Bunun əvəzinə gərəkli miqdarda əzələ və yağ kütləsi qazanın. Kalori artışını, vitamin, mineral, lif, antioksidantla zəngin qidaları seçərək edin.

Kökəlmək üçün nələr edə bilərsiniz?

Ara yeməklərini düzgün formada qəbul edin. 3 əsas yemək, 3 ara yemək olmalıdır.

Qoz, fındıq, badam kimi yağlı toxumlar, quru meyvələr, süd və süd məhsullarını gündəlik qida rasionunuza əlavə edin.

Mütəmadi formada idmanla məşğul olun.

Mənfi vərdişlərdən uzaq durun.

Yuxu rejiminizə diqqət edin.

Yüksək antioksidant, enerji tərkibli portağal, nar suyu kimi yeni sıxılmış meyvə sularını ara yeməklərinizdə istifadə edin.

Salatlarınızı, yeməklərinizi zeytun yağı, avokado kimi keyfiyyətli yağlarla zənginləşdirin.

Çəki artıran qidalar hansılardır?
Yumurta – Ən keyfiyyətli protein qaynağı olan yumurta, çəki alma müddətində əzələ və sümük inkişafı üçün vacibdir. İmmunitet sisteminin güclənməsində, beyin sağlamlığının qorunmasında, yaxşı xolesterinin artmasında vacib rol oynayır. Tərkibində dəmir və sink kimi çox vacib minerallar mövcuddur.

Quru meyvələr – Yüksək enerjiyə sahib meyvələr, kökəlmək istəyən insanlar üçün ara yeməklərində istifadə ediləcək ideal qidalardır. Tərkibindəki lif, həzm sistemini tənzimləyir.

Süd və qatıq – protein, karbonhidratı düzgün şəkildə qəbul etməyi təmin edir. Yüksək kalsium tərkibi ilə sümüklərinizi qoruyacaq.

Düyü – B qrupu vitaminləri cəhətdən zəngindir. İmmuniteti gücləndirir, beyin sağlamlığı üçün əhəmiyyət kəsb edir.

Bəhməz və bal – İmmuniteti gücləndirir. Enerji verir. Kalsium, dəmir, potasium, maqnezium ilə zəngindir. Soyuqdəymə və öskürəyin kəsilməsində mühüm rol oynayır.

Tünd şokolad – Tərkibi kakao sayəsində güclü antioksidant xüsusiyyətinə sahib olan şokoladlar, sağlamlığa müsbət təsir göstərir.

Ləpələr – Çəki artırmaq istəyirsinizsə bolca ləpələrdən istifadə etməlisiniz. Bir ovuc çiy badamın tərkibində 170 qram kalori, 6 qram protein, 4 qr lif mövcuddur. Gündə iki ovuc yesəniz çox sayda kalori əldə edə bilərsiniz.

Qırmızı ət – Ən yaxşı kökəldən qidalardan hesab olunur. Düzgün qidalanma zamanı ət və balıq məhsullarından daim istifadə edilməlidir.
Bəzi insanlar sağlamlığa zərərli olan qidaları seçərək tez kökəlmək istəyirlər. Ancaq bu çəki sağlamlığa zərərli olur və bir müddətdən sonra piylənmə yaradaraq daha böyük problemlərlə nəticələnə bilər. Belə qidaların siyahısını təqdim edirik:

Duru yağlar

Sosis, kolbasa

Ətlərin yağlı qismləri

Nişastası çox olan qidalar

Hazır qidalar

Tərkibi həddindən çox yağlı olan süd məhsulları
Düzgün formada çəki artırmaq üçün faydalı qidalardan daha tez-tez istifadə etmək lazımdır. Bununla yanaşı düzgün həyat tərzinin də olmasına diqqət göstərin.
Qeyd edək ki, kökəlmək üçün qəbul edilən dərmanların istifadəsi doğru deyil. Əgər dərmana ehtiyac varsa bunun üçün ancaq həkimin göstərişi olmalıdır.