Yaşıl çayın faydaları və zərərləri

Yaşıl çay, qara çayla müqayisədə daha faydalı hesab edilir. Tərkibində qara çayla müqayisədə 10 qatdan daha çox C vitamini mövcuddur. Yaşıl çay, qara çaya görə stress azaldıcı və rahatlaşdırıcı təsirə malikdir.

Bəs yaşıl çayın faydaları nələrdir?

Təbii antioksidantdır.

Tərkibindəki L-teanin maddəsi qan dövranı vasitəsilə beyinə çatır və insanların rahatlanmasına, gün ərzində özlərini daha yaxşı hiss etmələrinə kömək olur.

C vitamini isə immuniteti gücləndirir, xəstəliklərə qarşı qalxan rolunu oynayır. Həmçinin yaşıl çayın tərkibində fol turşusu, potasium, maqnezium mövcuddur.

İçərisindəki kafein insana canlılıq verir, yorğunluğun getməsinə kömək olur. Damarları gücləndirir, antioksidant sayəsində mikroblara, radiasiyaya, bakteriyalara qarşı qoruyucu təsir göstərir.

Yaşıl çay arıqlamaq üçün pəhriz edənlərin köməkçisidir. Bu ərəfədə rahatlıqla istifadə edə bilərsiniz. Pəhriz zamanı vücuddan toksinlərin uzaqlaşmasını və maddələr mübadiləsinin normal fəaliyyətini təmin edir. Əgər yüksək təzyiq probleminiz varsa yaşıl çay istifadə etməzdən öncə mütləq həkiminizlə məsləhətləşin. Çünki çay təzyiqinizin qalxmasına səbəb ola bilər.
Piylənmə xəstəliyi ilə mübarizə aparır. Piylənmə prosesini zəiflədir. Mütəmadi istifadə edilməsi vücud yağının azalmasına kömək edir.

Ağız qoxusunun qarşısını almağa kömək edir. Yaşıl çay, ağız daxilindəki bakteriyaların dişlərə yapışmasına və çoxalmasına maneə olaraq diş çürüməsinə qarşı qoruyur.
Mütəmadi istifadə edilən zaman qan şəkərinin tənzimlənməsinə kömək edir.

Yaşıl çayın vücud kütlə indeksi, bel ətrafı və LDL xolesterinin azalmasına kömək edir.

Yaşıl çay xərçəngə qarşı qoruyucudur. Həm qara, həm də yaşıl çay quruluşunda güclü antioksidant olan polifenollar mövcuddur. Yaşıl çayda polifenoller qara çayla müqayisədə daha çox mövcud olduğu üçün bu çayın daha faydalı olduğu bildirilir.

Xərçəng riskini aşağı salmaq üçün hansısa probleminiz yoxdursa gündəlik 1-2 fincan yaşıl çay və ya 3-4 fincan qara çay istifadə etməlisiniz. Ancaq isti içkilər qida borusu xərçəngi riskini artırdığı üçün çayın çok isti olmamasına diqqət edin.

Tərkibində mövcud olan antioksidantlar, dəridə qırışıqlıq, qocalmağa səbəb olan sərbəst radikalların yaranması ilə mübarizə edərək dərini qoruyur.

Bəs yaşıl çayın zərərləri varmı?

Çox istifadə edildiyi zaman fizioloji və psixoloji sıxıntılara səbəb ola bilər. Bəzi dərman istifadəsi zamanı içmək təhlükə doğura bilər.

Yaşıl çay kimlər üçün problem ola bilər?

Böyrək xəstələri, tiroid funksiyası pozuntuları olan insanların həkimə danışaraq istifadə etməkləri tövsiyə edilir.

Panik atak keçirənlər istifadə zamanı diqqətli olmalıdırlar.

Yaşıl çay və bəzi dərmanlar eyni yoldan sovrulduğu üçün qida ilə dərman reaksiyasına diqqət edilməlidir. Xüsusilə qan sulandırıcı ilə birlikdə istifadəsi təhlükəli ola bilər. Eyni tərkibli dərmanla, çayın təsiri əks təsirə bərabər olaraq problem yarada bilər.

Hamiləlikdə yaşıl çaydan istifadə edilə bilərmi?

Həddindən çox istifadə zamanı fol turşusu miqdarı aşağı düşə bilər. Xüsusilə beyin və onurğa inkişafı zamanı ortaya çıxan anormallıqlara səbəb olan fol turşusu əksikliyi zamanı hamilələr diqqətli olmalıdırlar. Bu səbəblə yaşıl çay ilk 3 ay çox istifadə edilməməsi tövsiyə edilir. Daha sonra isə həkim təsdiq edərsə gündə 1-2 fincan içilə bilər.
Gün ərzində 3 fincandan artıq yaşıl çaydan istifadə tövsiyə edilmir. Əks halda narahatçılıqlar, iştahsızlıq, baş ağrısı kimi təsirlər yarana bilər.