Qripdən bu üsullarla qorunun

Havalar soyuduqca qrip infeksiyasına daha çox yoluxma halları müşahidə edilir. Qrip xüsusilə soyuq qış aylarında və ya hava dəyişkənliyi zamanı bəzi insanların əziyyət çəkdiyi problem halına gəlir. İmmuniteti zəif olan insanlarda yoluxma daha sürətli, sağalma prosesi isə daha yavaş irəliləyir.

Qrip necə yoluxur?

Xəstə olan şəxs asqırdığı, öskürdüyü zaman gözlə görülə bilməyən milyonlarla influenza virusu havaya yayılır. Eyni məkanda olan şəxslər isə hava-damcı yolu ilə bu virusa yoluxur. Simptomlar yoluxmadan 1-3 gün sonra başlayr. Xəstə şəxslə eyni əşyaları paylaşmaq, eyni qabdan yemək yemək də yoluxmanı sürətləndirən faktor hesab edilir.

Bundan əlavə aşağıdakı faktorlar virusun yayılmağını sürətləndirir:

Quru olan havada virusun yayılma sürəti asanlaşır.

Qapalı məkanlarda yaxın təmas halı virusun yoluxmasını sürətləndirir.

Həmçinin metro, avtobus kimi nəqliyyatdan istifadə etmək də xəstəlik cəhətdən təhlükəlidir.

Düzgün edilməyən gigiyena da xəstəliyə yoluxma hallarını artırır.
Qripdən qorunmaq üçün nələr edilməlidir?

Çoxluğun olduğu məkanlardan mümkün qədər uzaqlaşmaq lazımdır.

Nəqliyyat vasitələrində maska taxmaq tövsiyə edilir.

İmmuniteti gücləndirmək üçün düzgün qidalanmaq əsas şərtlərdəndir.

Eyni zamanda düzgün gigiyenaya diqqət edilməlidir. Əllər yuyulmalı, spirtlənməlidir.

Asqırmaq, öskürmək vəziyyətində ağız və burun bağlanmalıdır.

Xəstə olan şəxsin mümkün qədər evdə qalması vacibdir.

Peyvənd də qorunma üsullarından hesab edilir.

Qidalanma zamanı nələrə diqqət edilməlidir?

Bol meyvə yeyilməli – İmmuniteti gücləndirən C vitamini tərkibli qidalardan istifadə edilməlidir. Bu zəngin tərkibi olan qidalar naringi, portağal, limon, qreyfurt kimi meyvələrdir. Bunlarla birlikdə yaşıl tərəvəzlərdən istifadə edilməlidir. İspanaq, yaşıl bibər, kələm belə qidalardan hesab edilir.

Xəstələnən şəxs nələrə diqqət etməli?
Bol maye qəbul edilməlidir – Xəstələnən şəxs də bu müddətdə bol su içsə xəstəlik daha rahat keçər və ağırlaşma riski azalar.

Xəstə insanların omega 3, kalsium, minerallarla zəngin qidalardan istifadə etməsi əsas şərtlərdən hesab edilir.

Pis vərdişlərdən imtina edilməlidir – Siqaret tüstüsü xəstəliyi ağırlaşdıran əsas ünsürlərdən hesab edilir.

Xəstəlik zamanı qəbul edilən bitki çayları da köməyinizə çata bilər.

Xəstəlik zamanı şəxs bol istirahət edilməlidir. Narahat vaxtı fiziki işlə məşğul olmaq zədələnmiş immuniteti daha da aşağı salaraq kritik vəziyyətə gətirə bilər.

Düzgün dərmanlardan istifadə etmək də əsas şərtlərdən biridir. Belə ərəfələrdə qızdırmanı endirən dərmanlar, boğaz spreyləri köməyinizə çata bilər. Ancaq unutmayın ki belə dərmanlar düzgün istifadə edilmədiyi zaman fəsadlar törədə bilər. Eyni tərkibli dərmanları ard-arda qəbul etmək düzgün hesab edilmir. Bu, zəhərlənmə ilə nəticələnə bilər.