Almanın möcüzəvi faydaları

Alma kifayət qədər faydalı meyvədir. Həm sadə formada yeyilir, həm də şirniyyat hazırlanan zaman istifadə edilir. Həftədə ən az 2 dəfə istifadə edilməlidir.
Orta ölçülü alma təxminən 1,5 su stəkanı meyvə şirəsinə bərabərdir.

Bir orta ölçüdə almanın tərkibində mövcud olur:

Kalori 95 qr

Karbonhidrat 25 qr

Lif 4 qr

C vitamini RDİ-nin 14%

Potasium RDİ-nin 6%

K vitamini RDİ-nin 5%

Həmçinin A, E, B1, B2, B6 vitaminləri mövcuddur. Bunlar gündəlik ehtiyacın 2-4%-ni təmin edir.

Bəs faydaları nələrdir?

Arıqlamağa kömək olur

Almalar lif və su baxımından zəngindir. Eyni zamanda tox hiss etdirən meyvədir. Araşdırmalara görə, yeməkdən öncə alma, alma püresi yeyən, alma suyu içən insanlar özlərini tox hiss edirlər. Həmçinin arıqlamaq istəyənlər almadan rahatlıqla istifadə edə bilərlər.

Xərçəngin qarşısını almağa kömək edir

Aparılan araşdırmalar bunu təsdiq edib. Alma yeyənlərin bu xəstəliyə yoluxmaq riski daha aşağıdır.

Astma xəstəliyi ilə mübarizədə faydalıdır

Təbii antioksidantdır. Ağciyərləri zədələnmələrdən qoruyur.
Qadınlar arasında aparılan araşdırmalara görə, alma yeyənlərin astma xəstəliyinə yoluxmaq riskinin çox aşağı olduğu müəyyən edilib. Alma qabığı, immunitet sistemini gücləndirir, iltihabı azaldır.

Sümük sağlamlığı üçün faydalıdır

Meyvələrdəki antioksidant sümükləri gücləndirməyə kömək edir.

Mədə yaralanmalarına qarşı qoruya bilir

Bəzi dərmanların mədəyə zərərli təsirləri mövcuddur. Aparılan araşdırmalar, almanın mədə qıcqırmaları zamanı effektli olduğunu təsdiq edib.
Almalar beyninizi qorumağa kömək edir.

Bu meyvədən bolca istifadə etmək yaddaşı gücləndirir. Altsheymer xəstələri üçün faydalıdır.

Yuxuya getməyi asanlaşdırır

Əsəbləri sakitləşdirir, qan dövranını qaydaya salır. Ürək döyüntülərini tənzimləyir. Rahatlıqla yuxuya getməyi təmin edir. Stress səviyyəsini aşağı salır.
Alma pis xolesterini aşağı salır, yaxşı xolesterini yüksəldir.

Qəbizliyə faydalıdır

Almanın faydalarından biri də qəbizlik probleminə müsbət təsir göstərməsidir. 100 qramında 2 qram lif tərkibli bu ləzzətli meyvə, bağırsaqların fəaliyyətini sürətləndirir.

Dəri üçün faydalıdır

Yaşıl almanın dəriyə faydaları mövcuddur. Günəş şüalarının zərərli təsirlərinə qarşı dərini qoruyur. Dəri üçün vacib olan A vitamini qaynağıdır.

Dişləri təmizləyir

Yaxşı yumaq şərti ilə qabığıyla yemək, dişlərin təmizliyi, damaq baxımından olduqca faydalıdır.

Alma ürək sağlamlığı üçün faydalıdır

Ürək xəstəliyi səbəbindən baş verən ölümlərin qarşısını almaqda olduqca faydalı meyvədir.

Almanın tərkibindəki C vitamini vücudu infeksiyalardan qoruyur.

K vitamini sümükləri gücləndirir. K vitamini yaşıllıqlarda, yaşıl tərəvəzlərdə mövcuddur.

E vitamini güclü antioksidantdır, immuniteti gücləndirir. Sağlam saçlar, dırnaqlar üçün E vitamini vacibdir.