Adaçayının faydaları nələrdir?

Adaçayı (şalfey) qədimdə və orta əsrlərdə demək olar ki, bağ-bağçada yetişdirilən və hər kəsin yaxşı tanıdığı dərman bitkisidir. Özünəməxsus ətri olan, efir yağları ilə zəngin bu şəfalı bitkinin faydalarını saymaqla bitməz.
Türk xalqlarında adaçayı ilə bağlı bir məsəl var: Bağında adaçayını əkmisənsə, ölməyə nə gərək var.
Axar.az Medicina.az-a istinadən adaçayını hansı xəstəliklərdə istifadə edə biləcəyinizi təqdim edir:
- Depressiya, nevroz, stresdə içilir;
- Bədəndən zərərli toksinləri çıxarır;
- Beynin bütün funksiyalarını yaxşılaşdırır;
- Bronxit və astmaya yaxşıdır;
- Qaraciyəri təmizləyir;
- Sidik yolları infeksiyasında müalicəvidir;
- Menopauza dövründə qadınlara lazımdır;
- Saçların ağarmasını gecikdirir;
- Demensiya, alsheymerin qarşısını alır;
- Diabetdə qanda şəkəri salır;
- Baş ağrısı və miqrendə;
- Ağız, diş, damaq yaraları; angina, faringitdə qarqara;
- Qocalmanı gecikdirir;
- Sellülitə belə effektivdir;
- Qarın ağrısı, ishal;
- İmmuniteti yüksəldir;
- Antibiotik təsirlidir;
Dəmləməsi və çayı necə hazırlanır?
Bir neçə yarpaq adaçayı dəm çaydanına qoyulub, üstünə qaynar su alınır. İstədiyiniz rəng və dad alınan kimi adaçayı çaydandan çıxarılır. Alınan çay içilir. Çox qaldıqda acı dad verir.
Qurudulmuş aptek adaçayı – 1,5 çay qaşığının üzərinə 3 stəkan qaynar su tökülür, dəmə qoyulur. Süzülüb içilir. 5 dəqiqədən artıq dəmlənməməlidir.
Gündə 2 fincandan artıq içmək olmaz. Allergiyası olanlar diqqətli olsun.