Sinir ağrısı ya ürək? - Belə ayırd edin

Sinədə və döş qəfəsin arxasında yaranan ağrılar əksər zaman qarışdırılır.

Döş qəfəsi ağrılarının bir çox səbəbi mövcuddur. Bunlar infarkt, ürək-damar, ağciyər xəstəliklərindən qaynaqlana bilər.

Doktorinfo.az xəbər verir ki, sinir ağrıları da bu ağrılara bənzəsə də adətən daha çox onurğa, əzələlərdə hiss edilir. Sadəcə ağrıların kəskinliyi mənbəni aşkarlamaqda çətinlik yaradır.
Çünki panik atak kimi problemler zamanı da ağrılar döş qəfəsində hiss edilə bilər.

Əslində ikisinin baş vermə səbəbləri tamamilə fərqlidir. Belə ki, nevrozluqdan qaynaqlanan sinir agriları adətən stress, fiziki hərəkətlərin çoxluğu, soyuq, sinir sıxılması kimi problemlərdən qaynaqlanır.
Ürəklə bağlı ağrılar zamanı da ürək əzələsi zədələnir və qan dövranı zəifləyir. Bu növ ağrılar da sinir ağrıları ilə qarışdırıla bilər.

Döş qəfəsində narahatçılıq zamanı ağrının müddətinə, baş vermə anına fikir vermək lazımdır. Əgər ağrı qısa müddətlidirsə, hereket zamanı artıb, sakit zamanda sakitləşirsə bu sinir ağrıları ola bilər. Əgər bu tip ağrılarla yanaşı tərləmə, gicəllənmə varsa ürəkdən qaynaqlana bilər.

Stenokardiya zamanı ağrılar adətən sol qola vurur. Bəzən isə boyunda, çənədə hiss edilə billər. Bu növ ağrılar zamanı döş qəfəsində sıxılma, ağrılar olur.