Pis qoxunun gəlməsi, parosmi nədir?

Pozulmuş qida, xoşagəlməz qoxu alma duyğusuna sahib olmaq vəziyyətinə parosmi deyilir. Şəxs anidən nələrinsə pis qoxduğunu hiss edir. Qoxu alma hüceyrələri, burunda yer alan qoxu alma hissiyyat neyronları olaraq adlandırılır. Məsələn, gözəl qoxusu olan bir ətiri qoxladığınız zaman bu qoxu burnunuza pis gələ bilər. Parosmi, viral infeksiyadan sonra yayğın görülən narahatçılıqdır.

Hissiyyat gündəlik həyatda böyük rol oynayır. Gözəl qoxular adətən şəxsin ruh halını yüksəldir və xoşbəxtlik gətirir. Pozulmuş qoxu alma hissiyyatı həyat keyfiyyəti üzərində böyük təsirə malikdir. Aşağıdakı əlamətlərə yol aça bilər:

İştahsızlıq

Çəki itkisi

Depressiya

Parosminin səbəbləri nələrdir?
Soyuqdəymə kimi üst tənəffüs yolu infeksiyaları

Beyin yaralanması

Sinüs infeksiyaları

Bəzi dərmanlar

Beyin şişi

Mütəmadi ağız quruluğu

Parosminin diaqnozu və müalicəsi
Parosmi vəziyyətindən şübhələnirsinizsə mütləq mütəxəssisə müraciət edilməlidir. Bu vəziyyət üçün standart bir analiz yoxdur.

Həkim, parosmiyi müalicə üçün dərmanlar təyin edə bilər. Bunlar simptomları yüngülləşdirəcəkdir. Əgər bunlar təsir etməsə, burun boşluğundakı zədəli hissiyyat reseptorlarını çıxarmaq üçün əməliyyat ola bilərsiniz. Ancaq böyük riskləri olan qarmaşıq bir prosedur olduğu üçün həkimlər əməliyyatı ancaq gərəkdiyi zaman tövsiyə edirlər.

Covid-19 kimi viral infeksiyasına yoluxan insanlarda və ya beyin travması səbəbiylədə bu problem yarana bilər. Ancaq bu səbəbdən yaranan parosmilərin xüsusi müalicəsi yoxdur. Burnunuzdakı və burun boşluğunuzdakı zədəli sinirlər yenidən böyüyə bilər, bu səbəbdən müalicə olmadan qoxu alma hissiyyatınız qismən və ya tamamilə geri gələ bilər.
Qeyd edək ki, xüsusi müalicə olmasa da, qoxu hərəkətləri edərək hissiyyatı qaytarmaq olar. Qoxu da bütün duyğu orqanları kimi istiqamətləndirilib alışdırıla bilər.