"Özünü bəyədirməyə çalışır, süni davranır..." Histrionik şəxsiyyət pozuntusu nədir?

Histrionik şəxsiyyət pozuntusu, həddindən çox həssaslıq, diqqət çəkmək üçün edilən davranışlar və münasibət arayışı ilə xarakterizə edilən psixiatrik pozuntudur. Buna sahib şəxslər ətraflarından mütəmadi diqqət görmək istəyir və təsdiqlənmək ehtiyacı hiss edərlər. Adətən gənc yaşda meydana çıxır, belə şəxslər özlərini bəyəndirmək üçün süni davranar və baş verənlərə normadan artıq reaksiya verərlər.

Şəxsiyyət pozuntusu nə üçün olur?
Doktorinfo.az məlumat verir ki, yeniyetməlik çağının sonundan irəli yaşlara qədər şəxslərə təsir göstərən şəxsiyyət pozuntusu, genetik faktor, uşaqlıq travmaları və valideynlərin uşaqları ilə qurduğu münasibət səbəb olur. Yaşanılan bu vəziyyətlər şəxslərin fərqli xarakteristik xususiyyetlerinin yaranmasına səbəb olur.

Düzgün münasibətin olmadığı ailədə böyüyən uşaqların gələcəkdə şəxsiyyət pozuntularını yaşama riskləri daha yüksəkdir.

Histrionik şəxsiyyət pozuntusu olan şəxslərdə adətən bu əlamətlər görülür:

Diqqət çəkib təsdiq alma ehtiyacı hiss edərlər

Danışıqlarında dram, həddindən çox həssaslıq və mütəmadi ağlama istəyi vardır

Duyğuları sürətlə dəyişir

Öz varliqlarini üstün görüb ön planda tutarlar

Xarici görünüşləri ilə həddindən çox maraqlanırlar

Asanlıqla aldana bilər və ətrafındakılardan təsirlənərlər

Süni hərəkətlər edərlər

Tez qərar verərlər
Histrionik şəxsiyyət pozğunluğunun diaqnozu necə qoyulur?

Adətən 18 yaşından öncə diaqnoz qoyula bilməz, çünki şəxsiyyət və xarakter inkişafı yeniyetməlikdən bitişinə qədər davam edər. Adətən 20 yaşından sonra görülməyə başlanlan bu şəxsiyyət pozğunluğunun altında yatan səbəb axtarılır və şəxsdə olan əlamətləri araşdırılır.

Diaqnoz psixoloq və ya psixiatr tərəfindən müayinə edildikdən sonra qoyulur.
Müalicəsi necə edilir?

Psixoterapiya belə problemli şəxsiyyətlərdə ən çox seçilən mualice üsuludur. Müalicənin məqsədi şəxsin düşüncələri və davranışlarını düzəltmək və mövcud qorxuları gerçəyə çıxarmasına yardım edərək daha düzgün münasibət qurmağa kömək etməkdir.