Limonun faydaları

Xəstə olduğumuz zaman C vitamini üçün bolca istifadə etməyə çalışdığımız limonun bir çox faydaları mövcuddur.

Doktorinfo.az xəbər verir ki, limondan istifadə etmək üçün bir çox səbəb vardır.

Limonun faydalari nelerdir?

Limon immuniteti gücləndirir

Yaz-yay aylarında sərinləmək üçün içilən limon tərkibli şirələr, qışda isə xəstəlikdən qaçmaq üçün istifadə edilən limon C vitamini qaynağıdır.

Orqanizmi gücləndirir, mikroblarla mübarizə aparır.

Çəkini normada saxlayır

Çəkini normada saxlamaq istəyənlər rahatlıqla limondan istifadə edə bilərlər. Çünki limonlu su içmək bədəndə yağların toplanmasının qarşısını alır. Yağların əridilməsinə kömək edir.
Ürək üçün faydalıdır

Bir ədəd limonda 31 mg C vitamini mövcuddur. Bu, gündəlik olaraq alınması lazım olan C vitamininin 100-də 51-dir. Damar sərtləşməsinin qarşısını alır. Tərkibindəki antioksidantlar vasitəsilə damarlarda toplanan, tıxanıqlığa yol açan sərbəst radikalları uzaqlaşdıraraq infarktdan, insultdan qoruyur.

Ürəyin qorunmasında rolu olan digər maddə liflərdir. Limon, lif cəhətdən olduqca zəngindir. Bu tərkib sayəsində qandakı xolesterin səviyyəsinin tənzimlənməsinə kömək olur.

Böyrək daşlarından qoruyur

Çox geniş yayılan və yenidən yaranma ehtimalı olan böyrək daşı vücuddakı sitrik asit səviyyəsinin artması ilə qarşısı alına bilər. Limonun tərkibi isə çox zəngin olduğundan bu problemlərin yaranmaması üçün bu meyvədən bol istifadə edilməlidir.

Qansızlıq problemi varsa... - Bağırsaqlar, dəmiri ət, toyuq, balıq kimi qidalardan daha tez və asanlıqla alır. Kifayət qədər dəmir sovrulması olmadığı zaman vücuddakı dəmir səviyyəsi düşür və bu da qansızlığa yol açır.

Limonun suyunu deyil, meyvəsindən istifadə edin
Limon, çəkini normada saxlamaqla bərabər arıqlamaq istəyənlər üçün də əla seçim meyvədir. Limon toxluq hissi yaradır.
Bir çox insan limonun özünü yemək əvəzinə suyundan istifadə edir. Ancaq limon suyunda pektin mövcud olmadığı üçün sadəcə suyunu içərək toxluq hissi yarada bilməzsiniz. Bunu da xatırladaq ki, çox yemək də məsləhət deyil. Çünki baş ağrısı yaradaraq təzyiqinizi aşağı sala bilər.

Həmçinin qeyd edək ki, düzgün qidalanmaqla yanaşı limondan istifadə etmək lazımdır. Əks halda tək yeməklə arıqlamaq və ya effekt görmək mümkün olmayacaq.

Oynaq iltihablanmalarına yaxşı təsir göstərir - Limonda mövcud olan antioksidantlar, artritin səbəb olduğu oynaq iltihablanması və oynaq nahiyələrindəki şişliyi azaltmaq üçün istifadə edilir.

Həzmə faydalıdır - Həzm prosedindəki toksinləri genişləndirərək düzgün formada həzminə dəstək olur. Mədə qıcqırması, qaz, şişkinlik kimi simptomların yüngülləşməsinə kömək olur.

Limon qabığının da bilinməyən bir çox faydaları mövcuddur. Suyunu istifadə etdikdən sonra qabığını atmadan fərqli üsullarla sağlamlıq üçün istifadə edə bilərsiniz. Xüsusilə qabığında C vitamini daha çoxluq təşkil edir.
Digər faydaları isə aşağıdakılardır:

Diş və diş ətlərini qoruyarkən eyni zamanda gücləndirir.

Qaraciyər yağlanmasının qarşısını alır.

Yüksək miqdarda lif mövcuddur və bu da bağırsaqlar üçün faydalıdır.

Hüceyrə zədələnməsindən qoruyur.

Xərçəng riskini aşağı salır.

Damar sağlamlığını qoruyur.

Qabığı diqqətlə yuduqdan sonra istifadə etmək lazımdır.

Bes limon suyu ne ucun faydalidir?

Qızdırmanı endirir. Xəstəlik zamanı limon suyundan istifadə etmək effektli təsirə malikdir. Tərləməyi artırır, qızdırmanı aşağı salır.

Ağrıları azaldır. Diş əti qanaxmalarını dayandırır. Diş əti xəstəlikləri zamanı faydalıdır.

Yanıqları sağaldır. Limon suyu dəri üzərindəki yanma hissini azaldır və izlərin solmasına kömək edir.

Təbii antiseptik dərmandır. Günəş yanıqlarının ağrılarını azaltmaq üçün istifadə edilir. Ekzemaya müsbət təsir göstərir.

Qırışıqlıqları azaldır. Dərini canlı tutur.
Limonun zererleri nelerdir?

Çox limon yeyilən zaman mədə qıcqırması, qusma, mədə bulantısı kimi vəziyyətlər yarada bilər. Həmçinin allergik meyvə sayıldığından allergiyası olanlar ehtiyyatla istifadə etməlidirlər.