Mətbəxinizin ən vitaminli qidaları hansılardır?

Sağlam vücuda sahib olmağın əsas sirlərindən biri qəbul edilən vitaminlərdir. Hər yaşda lazımi vitamin qəbulu olunmalıdır. Vitaminlər, tərəvəz, meyvələr, bir çox taxıl qrupunda mövcuddur. Gün ərzində ehtiyac duyulan vitaminlər qidalar vasitəsilə qəbul edilir. Ən yaxşı enerji verən vitamin qaynağı olan qidaları istifadə etmək sağlamlıq üçün təsirli olacaqdır.

Evinizdə mövcud olan vitamin qaynaqları nələrdir?

Süd – Vücudunuzu gücləndirmək üçün ala biləcəyiniz ən yaxşı vitamin əlavəsi 1 stəkan süddür. Süd, A vitamini cəhətdən ən zəngin qidadır və K vitamini də mövcuddur. Kalsiumun qaynağı olan süd, hər yaş üçün əhəmiyyət daşıyır.

Yumurta – A və K vitaminini evdə təbii yollarla almaq üçün hər səhər yumurta istifadə etməyə diqqət göstərin. Sümüklərin və əzələlərin güclənməsinə kömək edir.

Pendir – Kalsium qaynaqlarından biridir. A vitamininin ən çox mövcud olduğu qida qrupudur. Ağız və diş sağlamlığı üçün mühümdür. Mütəmadi istifadəsi zaman sümük xəstəliklərinin yaranma riskini azaldır.

Bulqur – B vitamini ilə zəngindir. Qan şəkərini tənzimləyir. Dəmir əksikliyi, qan azlığı ilə bağlı yaranan xəstəliklər zamanı bu qidadan istifadə etmək əhəmiyyətlidir.

Qoz – B1 vitamini ilə zəngin olduğundan beyin inkişafı üçün vacib qida hesab edilir. Hər səhər yeməyində 2 ədəd qoz yeyərək vücudun müqavimətini artıra bilərsiniz. Uşaqlarınızın daha ağıllı olmaqlarını istəyən valideynlər uşaqların qozdan istifadə etməsinə diqqət göstərməlidirlər.

Balıq – Dəmir əksikliyi zamanı balıq yeməyə diqqət göstərməlisiniz. Balıq K, B vitaminlərinə sahib olan güclü ət qrupuna aiddirlər. Həftədə 2 dəfə təzə balıq istifadə edilməlidir.
Orta yağlı balıqların beyin inkişafı üçün təsirli olduğunu unutmadan, həftədə 2 dəfə balıq istifadəsini uşaqlarınıza da vərdiş halına gətirin.

Brokoli – C vitamini ilə zəngindir. Antioksidant qaynağıdır. Xərçəngli hüceyrələri vücuddan atan, qana qarışmasına icazə verməyən brokoli salat və suplarından bol istifadə etməlisiniz.
Hər yaşda istifadə edilməlidir.
Turp – Antioksidantdır. Payız və qış aylarında bolca istifadə edilən qidalardandır. Vitamin qaynağıdır. Öskürək və infeksiyalar zamanı effektlidir.

İspanaq – Birdən çox vitamin mövcuddur. Xüsusilə əzələ və sümük inkişafına dəstəkdir. Dəmir əksikliyi, qansızlıq zamanı effektlidir.

Qarpız – Yay aylarında bolca istifadə edilməlidir. C vitaminini bol formada təqdim edir. Böyük hissəsini su təşkil etdiyindən orqanizm üçün çox faydalıdır. Sidik yollarını təmizləyir, qan şəkərini nizamlayır.
Banan – E vitamini tərkibli təbii gözəllik sirlərindən biridir. Dərinizi və saçlarınızı qoruya bilərsiniz. Potasium tərkibi ilə vücudunuzu viruslara qarşı qoruyur. Bağırsaqlarda yaranan parazitləri təmizləmək, ishal kimi vəziyyətin qarşısını almaq, ağız və diş sağlamlığını qorumaq üçün banandan rahatlıqla istifadə edə bilərsiniz.

Ət – Həftədə ən az 3 dəfə yeyilməlidir. Qan dövranı, immunitet sistemi üçün vacibdir. Tərkibindəki B vitamini, dəmir əksikliyinin qarşısını alacaq qədər təsirlidir. Ətdən istifadə nəticəsində özünüzü daha taqətli, güclü, enerjili hiss edə bilərsiniz.
Bundan əlavə meyvələrin faydalarını diqqətə çatdırmağa ehtiyac yoxdur. Çünki bütün meyvələr vitaminlərlə zəngindir və qəbulu vacib əhəmiyyət daşıyır. Narıncı rəngdə olan meyvələri payız aylarında qəbul etmək immunitet üçün daha da vacibdir.