Bu məhsul dişlər üçün zərərlidir - Həkim AÇIQLADI

Mütəxəssislər saqqızın zərərlərindən danışıb. 
KONKRET.az xəbər verir ki, stomatoloji klinikalar şəbəkəsinin baş həkimi, implantoloq Artem Xarlamov saqqızın dişlər üçün təhlükələri barədə xəbərdarlıq edib.
O bildirib ki, saqqız ağızın təmizləməsinə kömək edir, sinir sistemini rahatlaşdırır və yüngül stressi aradan qaldırır, lakin bəzi vacib məqamları nəzərə almasanız, bütün bu müsbət cəhətlər mənfi cəhətlərə çevrilə bilər.
Həkimin sözlərinə görə, acqarına saqqız çeynəmək xoralara səbəb olur, tərkibindəki şəkər isə kariyes yaradır.
İmplantoloq şəkərsiz saqqız çeynəməyə üstünlük verməyi məsləhət görür.
Xarlamov diş əti xəstəliyindən əziyyət çəkən şəxslərə də xəbərdarlıq edib. O, saqqızın xəstəliyin gedişatını ağırlaşdıra biləcəyini vurğulayıb.
"Saqqızın tərkibində olan boyalar, sintetik əlavələr allergiyaya səbəb ola bilər. Buna görə də, saqqız hamilə qadınlar və uşaqlar üçün məsləhət deyil. Yadda saxlamaq lazımdır ki, saqqız yalnız ağız gigiyenasını qorumaq üçün bir vasitədir", – deyə ekspert bildirib.
İqbal Rzayev,
KONKRET.az