2100-cü ilə qədər iki milyarddan çox insanın həyatı üçün təhlükə YARANACAQ

Siyasətdə dəyişiklik olmasa, dünya əsrin sonuna kifayət qədər istiləşəcək. Belə ki, iki milyarddan çox insan həyatı üçün təhlükə yaradan isti iqlimlərdə yaşayacaq.
KONKRET.azxəbər verir ki, bunu "Nature Sustainability" jurnalında dərc olunan son nəticələr göstərir.
Qeyd olunub ki, indiyədək insan fəaliyyəti nəticəsində dünyada orta temperatur 1,2 dərəcə yüksəlib.
Xatırladaq ki, Paris Razılaşması bunun qarşısını almaq üçün artımın 2,7 dərəcə ilə məhdudlaşdırılmasını təklif edib.
Bununla belə, mövcud qanunlara və əhalinin artımına əsasən, temperaturun təxminən 4,8 dərəcəyə çatacağı bildirilir.
Tədqiqatçılar temperaturun bu səviyyəyə qalxacağı təqdirdə hansı bölgələrin daha çox zərər görəcəyini araşdırıblar. Qeyd olunub ki, 40 il əvvəl dünyada yalnız 12 milyon insan temperaturun normadan yüksək olduğu bölgələrdə yaşayıb. Bu gün isə 60 milyona yaxın insan bundan zərər çəkir.
Belə ki, tədqiqat 2100-cü ilə qədər proqnozlaşdırılan 9,5 milyard dünya əhalisinin 2 milyardının belə ərazilərdə yaşayacağını göstərir.
Məlumata görə, ən çox təsirlənən ölkələr Hindistan, Nigeriya, İndoneziya, Filippin və Pakistan olacaq.
İqbal Rzayev,
KONKRET.az