Uşaqların immun sistemini necə gücləndirməli?

Hər ailə uşağının sağlam formada böyüməsini istəyər. Ancaq bəzi vəziyyətlərdə uşağınız böyüyərkən istənilməyən problemlərlə qarşılaşa bilərsiniz. Bu səbəbdən immunitet sistemini gücləndirməyə çalışarsınız.

Güclü immun sisteminə sahib olmaq vacib faktorlardan biridir. Bu səbəbdən körpəlikdən immun sisteminin gücləndirilməsi vacibdir. Bu zaman qorunma müxanizmi də güclü olur. Həmçinin xəstəliklərə qarşı isə gücləri daha çox olur.

Uşaqların immun sistemini gücləndirmək və qorumaq ancaq valideynlərinin əzmi ilə mümkündür. Uşağın təbiətinə uyğun qidalandırmaq, gigiyena qaydalarına əmək etmək, düzgün geyindirmək əhəmiyyətli rola malikdir. Uşaqlar, xəstəliklərin artdığı payız-qış mövsümündə risk qrupuna daxildirlər.
İmmun sistemi nə zaman inkişaf etməyə başlayır?

Bu proses ana qarnında artıq başlayır. İlk aylarda adətən immun sistemi zəif olur. Gedərək isə inkişaf etməyə və vücudu qorumağa başlayır. Yeni doğulan uşaqların ana südü içməsi bu səbəbdən olduqca mühümdür.

Hansı vitamin və minerallar immun sistemini gücləndirir?

Uşaqların vücudunu gücləndirmək üçün A, C, D, E vitaminləri ilə sink, selenium, dəmir mineralların kifayət qədər alınması mühümdür. Həmçinin omega 3 və omega 6 yağ asitləri də immun sisteminə təsir göstərir.

A vitamini tərkibli qidalar – Tünd yaşıl və sarı rəngli tərəvəz və meyvələr A vitamini qaynağıdır. Manqo, qovun, ispanaq, bibər, brokoli, kök və s. tərəvəzlər uşaqların qidasında yer almalıdır.
C vitamini tərkibli qidalar – Xəstəliklərə qarşı yüksək qoruyuculuğu olan C vitamini kivi, portağal, naringi, çiyələk, qovunla yanaşı, brokoli, ispanaq və bibərdə mövcuddur.

D tərkibli qidalar – Günəş işığından qəbul edilən vitamindir. Yeni doğulan uşaqlara da D vitamini dəstəyi təyin edilir. Bununla yanaşı yumurta sarısı, balıq, ətdən də bu vitamini müəyyən qədər əldə edə bilərsiniz.

E tərkibli qidalar – Fındıq yağı, bitki yağları, badam, fısdıq, brokoli, balqabaq, toyuq əti bu vitaminlə zəngindir.

Sink tərkibli qidalar – Qırmızı ət, toyuq, yer fıstığı və badamda mövcuddur.
Dəmir tərkibli qidalar – Yumurta, bəhməz, yaşıl yarpaqlı tərəvəzlərdə mövcuddur. İmmun sisteminin zəifləməsində dəmir əksikliyinin təsirləri böyükdür. Bu səbəbdən dəmir əksikliyinə qarşı tədbir görmək lazımdır.

Omega 3 və omega 6 tərkibli qidalar – Sistemin tarazlığını qoruyur. Qoz, yumurta, toyuq əti, bitki yağlarında mövcuddur.

Qeyd edək ki, immun sistemini zəiflədən faktorlardan biri də xronik xəstəliklərdir. Alt və üst tənəffüs yolları xəstəlikləri, uşaqlarda tez-tez rastlanılan xəstəliklərdir. 6-9 aylar arasında görülən və sonralar da təkrarlayan bu problemlər immun sisteminin güclənməsini çətinləşdirir.