Hemangioma nədir?

Hemangioma, uşaqlarda görünən xoşxassəli damar şişidir. Damar endotelindən inkişaf edir. Doğuşdan sonra, bir ilə üç həftə ərzində dəri üzərində və ya altında meydana çıxır. Qız uşaqlarında daha çox müşahidə edilir. Yaranma səbəbi tam bilinmir. Əksər hemangiomalar baş-boyun nahiyəsində yerləşir. Əksər zaman 3- 5 yaşlarda yoxa çıxar. Bəziləri isə qalıntılara, kiçik qan damarlarına səbəb ola bilər.

Simptomları nələrdir?

Hemangiomaların çoxu kosmetik problemlərə səbəb olur. Göz ətrafında olanlar görməyi, ağız ətrafı və daxildə yarananlar qidalanma və nəfəs almağa təsir edə bilir. Həmçinin psixoloji problemlərə də yol aça bilir. Bir düyün ola biləcəyi kimi bəzən kiçik ölçüdə çox sayda müşahidə edilə bilər.

Uşaqlarda hemangioma tipləri:

Vücudun hansısa nahiyəsində yaranmağı mümkündür. Bir neçə növləri mövcuddur.
Dəri üzərində olanlar: Bunların səthi öncə düz görünür, daha sonra qabarıq, parlaq qırmızı rəng alır.

Dərin hemangiomalar (dəri altında yaranır): Hamar səthi maviyə çalan şişlik kimi görünür. Adətən 2 ilə 4 aylıqkən, şiş görünən hala gəlir. Böyüdüyü zaman diaqnoz qoymaq mümkün olur.

Qarışıq: Bu hemangiomaların həm dəri üstündə həm də dərində yerləşən birləşmələr formasında olur.
Uşaqlarda 80% qədəri tək lezyondan ibarət olur. Görünən şişlərin 20 %-də birdən çox hemangioma müşahidə edilib. Ən çox yerləşdiyi daxili orqan isə qaraciyərdir.
Diaqnozu necə qoyulur?

Mütəxəssis ümumi müayinə ilə bunun hemangioma olduğunu deyə bilər. Əgər dəqiq görüntü yoxdursa MRİ və ya USM müayinəsinə gərək duyula bilər.

Müalicəsi necə edilir?

Bir qismi özlüyündən keçir. Hemangiomaların 50-60%-i 5 yaşa, 70-75%-i 7 yaşa, 90%-i 9 yaşına qədər geriləyir.
Belə vəziyyət yaranarsa müalicəyə ehtiyac duyulur:

Hemangiomanın olduğu nahiyədə açıq yara varsa;

İnfeksiya daxil olarsa.

Göz ətrafı görmə ilə bağlı, ağız ətrafı yemək yemə ilə bağlı və nəfəs almaqda problemlərə səbəb olarsa təcili müdaxilə olunmalıdır. Həmçinin üzdə olub kosmetik qüsurlara yol açarsa müalicə edilməlidir.

Müalicəsi isə böyüklüyünə, növünə, yerləşmə nahiyəsinə görə fərqlidir. Bu barədə həkim müayinədən sonra dəqiq məlumat verəcəkdir. Bura, lazer, topikal dərman (dəri üzərinə çəkilən krem), cərrahi üsulla götürülmə, antibiotik və s. daxildir.
Bəs nə zaman həkimə müraciət edilməlidir?

Əgər aşağıdakı əlamətləri müşahidə etsəniz həkimə gecikdirmədən zəng vurmalısınız:

Hemangiomaların qırmızı rəngdə olması

Ağrı yaratması

38 dərəcədən çox yüksək qızdırma

Dəridə qanama varsa

Hemangiomanın yerləşdiyi nahiyədə yara yaranıbsa.

Hansı həkimə müraciət edilməlidir?

Bu növ xəstəliklər üçün uşaq hematoloji və uşaq onkoji mütəxəssislərinə müraciət edə bilərsiniz.